Tihlabelelo 99:1 - Siswati 1996 Bible

¹ Simakadze uyabusa! Tive atitfutfumele! Uhleti etikwemakherubhi. Umhlaba awutfutfumele!

Tihlabelelo 99:1 Referencias Cruzadas

2 Samuweli 6:2

Davide kanye nawo onkhe lamadvodza labewabutsile bashuca besuka eBhala lakaJuda kuyakwenyusa libhokisi lesivumelwane saSimakadze khona, lelalibitwa ngeLibito, libito laSimakadze longuSomandla, lobusela esihlalweni sebukhosi asemkhatsini wemakherubhi lasetikwelibhokisi lesivumelwane.

1 Tikhronike 16:30

“Tfutfumelani embikwakhe, mhlaba wonkhe! Yebo, umhlaba usinyisiwe, ungeke utanyatanyiswe.

Tihlabelelo 18:10

Wagibela likherubhi, wandiza, wantjuza asetikwemaphiko emoya.

Tihlabelelo 2:6

“Ngimi loyibekile inkhosi eSiyoni, inkhosi lengiyikhetsile ngiyibeke eSiyoni, intsaba yami lengcwele.”

Tihlabelelo 80:1

Sive, Melusi waka-Israyeli, wena lohola Josefa njengemhlambi wetimvu. Wena lohlala emkhatsini wemakherubhi, bonakala ngekukhatimula kwakho.

Tihlabelelo 80:2

Vusa emandla akho embikwa-Efrayimu, naBhenjamini, naManase, ute utewusisita.

Tihlabelelo 82:5

“Abati lutfo, abacondzi lutfo, badvukuta ebumnyameni; tonkhe tisekelo temhlaba tiyatanyatanyiswa.

Tihlabelelo 93:1

Simakadze uyabusa, wembetse inkhatimulo, Simakadze wembetse, wavunula emandla. Ngempela, umhlaba wonkhe utintile, ungeke utanyatanyiswe.

Tihlabelelo 96:10

Memetelani emkhatsini wetive nitsi: “Simakadze yiNkhosi, uyabusa! Yebo, umhlaba usinyisiwe, ungeke utanyatanyiswe, nguye loyakwehlulela tive ngebucotfo.”

Tihlabelelo 96:9

Khotsamani nikhuleke kuSimakadze, nembatse bungcwele, nitfutfumele embikwakhe, mhlaba wonkhe.

Tihlabelelo 97:1

Simakadze uyabusa, umhlaba awujabule netichingi tonkhe tijabule.

Tihlabelelo 97:4

Imibane yakhe ikhanyisa umhlaba, umhlaba ungayibona lemibono, uyatfutfumela.

Eksodusi 25:22

Ngitawuhlangana nawe lapho, ngikhulume nawe ngisetikwalesihlalo semusa emkhatsini walamakherubhi lamabili lasetikwelibhokisi. Ngulapho ngitakunika khona yonkhe imitsetfo yami yesive sema-Israyeli.”

Isaya 19:14

Simakadze sewutfululele kubo umoya wekudzidzeka; benta iGibhithe iyendze kuko konkhe leyikwentako, iyendze njengesidzakwa emahlanteni aso.

Jeremiya 4:24

Ngabuka tintsaba, nato tatinyikanyika, onkhe emagcuma abeyendza.

Jeremiya 49:21

Ngemsindvo wekuwa kwabo umhlaba uyawutfutfumela; kukhala kwabo kuyawuvakala kuklaza naseLwandle Lolubovu.

Jeremiya 5:22

Kufanele ningangesabi yini mine?” kusho Simakadze. “Akufanele yini nitfutfumele ebukhoneni bami? Ngenta sihlabatsi saba ngumnyele welwandle, umtsangala waphakadze lolungeke luwengce. Emagagasi angakhephuka, kodvwa angeke aphumelele, angabhodla, kodvwa angeke awengce.

Jeremiya 50:46

Umhlaba uyawutfutfumela ngemsindvo wekutfunjwa kweBhabhulona; kukhala kwayo kuyawuhokoma emkhatsini wetive.

Hezekeli 43:7

Wakhuluma kimi, watsi: “Ndvodzana yemuntfu, lena yindzawo yesihlalo sami sebukhosi nendzawo yekwenabela tinyawo tami. Ngulapha-ke lapho ngitawuhlala khona emkhatsini wema-Israyeli kuze kube phakadze. Indlu yaka-Israyeli ingeke iphindze ilihlambalate Libito lami lelingcwele, yona kanye nemakhosi ayo, ngebugwadla bayo nangetithico letingaphili temakhosi ayo etindzaweni tayo letiphakeme.

Lukha 19:12

Ngako wase utsi: “Kwakukhona umnumzane labehloniphekile, lowahamba waya eveni lelikhashane kakhulu ayawubekwa inkhosi, bese uyabuya-ke.

Lukha 19:14

Kantsi takhamiti tatimtondza, ngako tase titfumela tigijimi kutsi tiyewubika tifike titsi: ‘Asimfuni lowo muntfu abe yinkhosi yetfu.’

Lukha 19:27

Njengamanje nje, tonkhe letitsa tami betingafuni kutsi ngibe yinkhosi yato, tiletseni la nitibulale embikwami.’ ”

KubaseFiliphi 2:12

Batsandzekako bami, benilalele ngetikhatsi tonkhe, kungasiko nangikhona kuphela, kodvwa kakhulu manje nangingekho. Ngako-ke, fezani kusindziswa kwenu ngekwesaba nangekutfutfumela,

Sembulo 11:17

atsi: “Siyakubonga, Nkhosi Nkulunkulu, Somandla, lokhona, nalabekhona, ngekutsi utsatse emandla akho lamakhulu, wabusa.

Sembulo 20:11

Ngase ngibona lesikhulu sihlalo sebukhosi lesimhlophe, nalohleti kuso. Lizulu nemhlaba kwambalekela kwanyamalala ebusweni bakhe, akuzange kuphindze kutfolakale ndzawo.

Sembulo 6:14

Sibhakabhaka sanyamalala njengekugocotwa kwelicansi; tonkhe tintsaba netichingi tesuswa etindzaweni tato.