Tihlabelelo 95:8 - Siswati 1996 Bible

⁸ “Ningatenti lukhuni tinhlitiyo tenu, njengaseMeribha nanjengamhlazane baseMasa,

Tihlabelelo 95:8 Referencias Cruzadas

Eksodusi 17:2

Ngako-ke sive sasola Mosi satsi: “Siphe emanti ekunatsa.” Mosi wabaphendvula watsi: “Ningilwiselani? Nimlingelani Simakadze?”

Eksodusi 17:7

Lendzawo wayetsa libito watsi “yiMasa neMeribha”, ngobe ema-Israyeli alwa, alinga Simakadze ngesikhatsi atsi: “Simakadze usenatsi yini nome cha?”

Eksodusi 8:15

Kodvwa Faro watsi kube abone kutsi tigogodvolo setifile, wenta inhlitiyo yakhe yaba lukhuni, njengobe abevele ashito Simakadze. Faro akazange abalalele boMosi na-Aroni kutsi batsini.

Danyela 5:20

Kodvwa watsi kube inhlitiyo yakhe ibe nekutigcabha yaba lukhuni ngenca yekutigcabha, wehliswa esihlalweni sakhe sebukhosi, wemukwa ludvumo lwakhe.

Numeri 14:11

Simakadze wakhuluma kuMosi, watsi: “Labantfu batawuchubeka nekungedzelela kuze kube ngunini? Batakwala kukholwa ngimi kuze kube ngunini, etikwaletibonakaliso temimangaliso lengitente kubo?

Numeri 14:22

kute nome munye walabantfu lababona inkhatimulo yami netibonakaliso letiyimimangaliso lengatenta eGibhithe nasehlane kodvwa bangete bangilalela, bangilinga emahlandla lalishumi,

Numeri 14:27

“Kutawuze kube ngunini lesive lesikhohlakele singisola? Sengikuvile kusola kwalama-Israyeli lakhononako.

Numeri 20:13

Lawo kwakungemanti aseMeribha, lapho sive sema-Israyeli sefike salwa khona naSimakadze, nalapho ativeta kubo khona angulongcwele.

Imisebenti yebaPhostoli 19:9

Kodvwa labanye kubo baba lukhuni bangete bavuma kukholwa, bakhuluma kabi ngaleNdlela yeNkhosi embikwabo bonkhe bantfu. Wase uyabashiya Pawula wahamba nebafundzi. Onkhe emalanga waba netinkhulumo aphikisana nabo eHholeni yaThiranusi.

KubaseRoma 2:5

Kodvwa ngebulukhuni nangenkhani yekungaphendvuki kwenhlitiyo yakho, utibekela lulaka lube lukhulu ngelilanga lelulaka. Ngalelo langa iyawukhanya indlela Nkulunkulu lehlulela ngayo kutsi imsulwa.

Dutheronomi 6:16

“Ningamlingi Simakadze Nkulunkulu wenu njengobe nenta eMasa.

KumaHebheru 12:25

Caphelani ningamali lowo lokhulumako: Nangabe bangaphunyulanga labo labamala lowo abebacaphelisa alapha emhlabeni, natsi-ke singeke siphunyule, nasala kutsatsa tecwayiso talowo lokhuluma asezulwini.

KumaHebheru 3:13

Kodvwa khutsatanani onkhe emalanga yingci nakusatsiwa: “Lamuhla”, kutsi kubete lowentiwa inhlitiyo yakhe ibe lukhuni ngekuyengwa sono.

YaJuda 1:5

Nome nitati tonkhe nje letintfo, ngiyatsandza kunikhumbuta ngato. INkhosi leyabahlenga baka-Israyeli ngekubakhipha eGibhithe, yabuye yababhubhisa labo labangazange bakholwe.

1 Samuweli 6:6

Nitentelani tinhlitiyo tenu tibe lukhuni njengebaseGibhithe nanjengaFaro? Ngesikhatsi Nkulunkulu abahlupha kamatima, abazange yini bawakhulule ema-Israyeli kuze ahambe indlela yawo?