Tihlabelelo 95:6 - Siswati 1996 Bible

⁶ Wotani, sikhuleke, simkhotsamele, asiguce embikwaSimakadze, uMenti wetfu.

Tihlabelelo 95:6 Referencias Cruzadas

1 Emakhosi 8:54

Kwatsi kube Solomoni acedze kwenta yonkhe lemithandazo nekuncusa kuSimakadze, wabe sewuyasukuma embikwelilati laSimakadze, lapho abekadze aguce khona, tandla takhe atiphakamisele ezulwini.

2 Tikhronike 29:28

Lonkhe libandla lakhonta ngekukhotsama, bahlabeli basahlabela nebashayi bemacilongo basawashaya. Konkhe loku kwachubeka kwaze kwaphela umnikelo wekushiswa.

2 Tikhronike 29:29

Yatsi kube iminikelo iphele, inkhosi nabo bonkhe lababenayo baguca phansi bakhonta.

2 Tikhronike 29:30

Inkhosi Hezekiya kanye netiphatsimandla takhe bayala emaLevi kutsi advumise Simakadze ngemavi aDavide kanye newa-Asafa, umboniswa. Ngako bahlabela tingoma tekudvumisa bajabulile, bakhotsamisa tinhloko tabo bakhonta.

2 Tikhronike 6:13

Manje-ke abesakhe idayasi yelitfusi leyayingemamitha labengaba mabili nesigamu budze, nemamitha labengaba mabili nesigamu bubanti, nekuphakama lekwakungaba limitha linye nesigamu, wase uyibeka ekhatsi nendzawo kulesibuya lesasingephandle. Wakhuphuka wema kulendzawo lephakeme, wase uguca phansi embikwaso sonkhe sive sema-Israyeli waphakamisa tandla takhe watibhekisa ngasezulwini.

Ezra 9:5

Kwatsi ngesikhatsi semhlatjelo wakusihlwa, ngasukuma lapho ekujabheni kwami, ingubo nesembatfo sami kudzabukile, ngaguca ngemadvolo tandla tami tivulekile embikwaSimakadze Nkulunkulu wami,

Jobe 35:10

Kodvwa kute lotsi: ‘Uphi Nkulunkulu, uMdali wami, lowephana ngetingoma ebusuku,

Tihlabelelo 100:3

Yatini kutsi Simakadze nguNkulunkulu! Sadalwa nguye, asitidalanga, sisive sakhe, netimvu telidlelo lakhe.

Tihlabelelo 119:73

Tandla takho tangidala tangibumba; ngiphe ingcondvo yekufundza imiyalo yakho.

Tihlabelelo 139:13

Ngobe nguwe lowadala imibilini yami, wangeluka esiswini samake.

Tihlabelelo 149:2

Israyeli akajabule ngenca yeMdali wakhe, bantfu beSiyoni batfokote ngeNkhosi yabo.

Tihlabelelo 72:9

Shangatsi tive letihlala ehlane tingakhotsama embikwayo, netitsa tayo tiyikhotsamele.

Tihlabelelo 95:1

Wotani, sitewuhlabela kuSimakadze, sihlabele ngenjabulo kulo lidvwala lensindziso yetfu!

Eksodusi 20:5

Ungasikhotsameli nome usikhonte, ngobe mine Simakadze, Nkulunkulu wakho, nginguNkulunkulu lonesikhwele. Labo labangitondzako sijeziso sami ngesono saboyise ngisehlisela ngisho nakubantfwana babo besitukulwane sesitsatfu nesesine.

Umshumayeli 12:1

Khumbula uMdali wakho etinsukwini tebusha bakho, tinsuku tekuhlupheka tisengakefiki, neminyaka isengakasondzeli lapho uyawusho ngayo utsi: “Kuphila angisakujabuleli.”

Isaya 17:7

Ngalelo langa bantfu bayawubuka kuMdali wabo, bajikise emehlo abo bawabhekise kuye Longcwele waka-Israyeli.

Isaya 44:2

Naku lokushiwo nguSimakadze, lowo lowakwenta, wakubumba esiswini, nalonguyena atakukusita, utsi: Ungesabi, wena Jakobe, nceku yami, Jeshuruni, lengimkhetsile.

Isaya 54:5

Ngobe uMenti wakho yindvodza yakho, nguSimakadze longuSomandla libito lakhe, Longcwele waka-Israyeli unguMhlengi wakho, ubitwa ngekutsi nguNkulunkulu wemhlaba wonkhe.

Isaya 64:8

Noko, wena Simakadze, unguBabe wetfu. Tsine silibumba, wena ungumbumbi, sonkhe singumsebenti wetandla takho.

Danyela 6:10

Watsi kube Danyela eve kutsi sekubhalwe lomtsetfosimemetelo, wahamba waya ekhaya lakhe ekamelweni lelisetulu, lapho emafasitelo akhona abevulekela ngaseJerusalema. Abeguca ngemadvolo katsatfu ngelilanga, athandaze, abonga Nkulunkulu wakhe, njengobe abevame kwenta ngaphambili.

Hoseya 6:1

“Wotani, asibuyele kuSimakadze. Sewusidzabule saba ticucu, kodvwa uyawusiphilisa; usilimatile, kodvwa uyakuwabopha emanceba etfu.

Hoseya 8:14

Israyeli sewumkhohliwe uMenti wakhe, wakha tigodlo; Juda sewubiyele emadolobha lamanyenti. Kodvwa ngitawutfumela umlilo etikwalamadolobha abo, loyawushisa letinqaba tabo uticedze.”

Matewu 4:2

Asazilile kudla emalanga langema-40 nebusuku bakhona, wase uyalamba.

Matewu 4:9

watsi kuye: “Konkhe loku ngitakunika kona, nawungamane uwe phansi nje, ungikhotsame.”

Makho 14:35

Yena wachubachubeka libangana, watilahla phansi, wakhuleka kutsi sendlule kuye lesikhatsi selusizi, nakungenteka.

Lukha 22:41

Kodvwa yena wesuka kubo, wachubeka libanga lelingaba ngangemjikijelo, waguca phansi wathandaza.

Johane 1:3

Konkhe kwadalwa ngaye, ngaphandle kwakhe kute lokwadalwa kuko konkhe lokudaliwe.

Imisebenti yebaPhostoli 20:36

Watsi kube acedze kukhuluma nabo, waguca wathandaza nabo bonkhe.

Imisebenti yebaPhostoli 21:5

Kepha kwatsi kube kuphele sikhatsi sekuhlala kwetfu nabo, sabashiya sachubeka neluhambo lwetfu. Basiphekeletela bonkhe kanye nalabasikati nebantfwana, baze basibeka ngephandle kwalelidolobha. Sefika elugwini saguca sathandaza.

Imisebenti yebaPhostoli 7:60

Waguca phansi wamemeta ngelivi lelikhulu watsi: “Nkhosi! Ungababekeli sono ngaloku labakwentako!” Wase uyafa.

1 kubaseKorinthe 6:20

natsengwa ngelinani lelikhulu. Ngako-ke mdvumiseni Nkulunkulu emitimbeni yenu.

Kubase-Efesu 3:14

Ngenca yalesizatfu-ke, ngiguca ngemadvolo embikwaBabe,

KubaseFiliphi 2:10

kuze kutsi ngelibito laJesu emadvolo onkhe aguce, alabasezulwini, newalabasemhlabeni, newalabangaphansi kwemhlaba,

1 yaPhetro 4:19

Ngako-ke labo labahlupheka ngekwentsandvo yaNkulunkulu abachubeke bente lokuhle, babeke imiphefumulo yabo kuMdali lowetsembekile.

Sembulo 22:17

Moya namakoti batsi: “Kota!” Wonkhe umuntfu lovako akatsi: “Kota!” Lowo lowomile akete; nalowo lofuna emanti ekuphila, akawanatse mahhala.

Sembulo 22:8

Ngimi, Johane, loweva waphindze wakubona konkhe loku. Ngatsi kube ngikuve ngikubone konkhe loku, ngawa phansi ngasetinyaweni talengilosi lebeyingikhombisa letintfo, ngentela kuteyikhotsama.