Tihlabelelo 94:2 - Siswati 1996 Bible

² Phakama, Mehluleli wemhlaba, uphindzisele kubemhlaba labatidlako.

Tihlabelelo 94:2 Referencias Cruzadas

Genesisi 18:25

Akube khashane nawe kwenta intfo lenje! Ungababhubhisi labalungile kanye nalababi, bese labalungile baba njengalabangakalungi! Akube khashane nawe loko. Angeke yini umehluleli wemhlaba wonkhe ente kulunga?”

2 Tikhronike 20:12

Awu, Nkulunkulu wetfu, ungeke ubehlulele yini? Ngobe tsine site emandla ekubhekana nalemphi lenkhulu kangaka letewusihlasela. Asati kutsi kufanele senteni, kodvwa emehlo etfu abuke kuwe.”

Tihlabelelo 31:23

Tsandzani Simakadze, nine nonkhe labangcwele bakhe. Simakadze uyabagcina labetsembele kuye, kodvwa uphindzisela kamatima kulabatatisako.

Tihlabelelo 50:6

Emazulu amemetela kulunga kwakhe, ngobe Nkulunkulu ungumehluleli. Cabanga.

Tihlabelelo 68:1

Nkulunkulu nakasukuma, titsa takhe tiyasakateka, labamtondzako babaleke embikwakhe.

Tihlabelelo 7:6

Simakadze! Sukuma ngentfukutselo yakho. Vuka ungimele elulakeni lwetitsa tami. Nkulunkulu wami, vuka ungisite. Nguwe wedvwa lonesehlulelo lesimsulwa.

Tihlabelelo 74:22

Phutfuma, Nkulunkulu, utiphendvulele, ukhumbule labo labalibele, kutsi bakwetfuka imihla nemalanga.

Tihlabelelo 82:8

Vuka-ke, Nkulunkulu, wehlulele umhlaba, ngobe nguwe umnikati wetive tonkhe.

Isaya 10:12

Simakadze nase acedzile yonkhe imisebenti yakhe lemelene nentsaba iSiyoni neJerusalema, uyakutsi: “Ngiyakuyijezisa inkhosi yase-Asiriya ngenca yeligcabho layo langemabomu lelisenhlitiyweni yayo nangenca yekutiphakamisa kwayo lokusemehlweni ayo.

Isaya 2:17

Kutiphakamisa kwebantfu kuyakwehliselwa phansi, nekutigcabha kwebantfu kutfotjiswe; Simakadze yena yedvwa uyawuphakanyiswa ngalelo langa,

Isaya 37:23

Ngubani lona lometfukile wamhlambalata? Ngubani lona bewumbhodlela umetfwalela emehlo? NguLongcwele waka-Israyeli!

Isaya 37:29

Njengobe uyangibhodlela, nanjengobe kungicoloshela kwakho sekufikile etindlebeni tami, ngitawufaka umkhala wami ekhaleni lakho, nelitomu lami emlonyeni wakho. Ngiyawukuncandzekisa ngaleyo ndlela lote ngayo.

Danyela 4:37

Manje, mine Nebukhadnezari, ngibabata ngiphakamise ngekudvumisa iNkhosi yelizulu, ngobe konkhe lekwentako kulungile, nato tonkhe tindlela tayo tiphelele ngekulunga. Labo labahamba ngekutigcabha, uyakwati kubatfobisa.”

Mikha 5:9

Israyeli, titsa takho uyakutiphakamisela sandla utincobe, bonkhe labakutondzako bayawubhujiswa.

2 kubaseKorinthe 5:10

Ngobe sonkhe kufanele sime embikwesihlalo saKhristu sekwehlulela, kuze kutsi ngulowo nalowo atekwemukela umvuzo wakhe ngalakwentile, lokuhle nome lokubi, asekulomtimba.

1 yaPhetro 5:5

Nani-ke, labasha, batfobeleni babonisi. Nonkhe yembatsani kutfobeka, nitfobelane, ngobe: “Nkulunkulu umelana nalabatigcabhako, kodvwa labatfobekile ubapha umusa.”