Tihlabelelo 94:16 - Siswati 1996 Bible

¹⁶ Ngubani longangisita kulababi? Ngubani longangiphendvula kulabaphambene nami?

Tihlabelelo 94:16 Referencias Cruzadas

2 Emakhosi 10:15

Asesukile lapho, wefika kuJehonadabi, umsa waRekhabi, labesendleleni ayemhlangabeta. Jehu wambingelela watsi: “Ume ngakimi yini, njengobe nami ngibambisene nawe?” Jehonadabi wamphendvula, watsi: “Yebo.” Jehu watsi: “Nangabe kunjalo; bamba ingalo.” Ngako Jehonadabi wachawula, Jehu wamdvonsa, amgibelisa encoleni yakhe.

2 Emakhosi 9:32

Jehu wabuka etulu efasitelweni, wamemeta watsi: “Ngubani lome ngakimi? Ngubani?” Babili nome batsatfu batsenwa bambuka ngelifasitelo.

Nehemiya 5:7

Ngazindla ngato engcondvweni yami, ngase ngisola labahlonishwa babo netindvuna tabo ngitsi: “Nibacindzetelelani labomnakenu?” Ngabita umhlangano lomkhulu wekucatulula lengcaki.

Tihlabelelo 118:6

Simakadze ungakimi angesabi lutfo. Umuntfu angangentani nje?

Tihlabelelo 17:13

Vuka Simakadze! Hlangabeta lomubi umlahle phansi. Sindzisa umphefumulo wami kuye ngenkemba yakho.

Tihlabelelo 59:2

Ngephule kulabo labatigilamkhuba, ungisindzise kubabulali.

Isaya 59:16

Wabona kutsi kute muntfu, wamangala kakhulu ngekutsi kute namunye lomela kulunga, ngako ingalo yakhe yalwela insindziso yakhe, nekulunga kwakhe kwamsimamisa.

Isaya 63:5

Ngabuka, kodvwa kwabate namunye labengasita. Ngamangala kakhulu kutsi kubete lowelekelelako, ngako umkhono wami wangentela insindziso yami, nelulaka lwami lwangisekela.

Jeremiya 5:1

“Yehlani nenyuka etitaladini taseJerusalema, calatani ndzawo tonkhe nicabange kahle, phenyisisani tonkhe tinkhundla tayo. Naningakhandza nome munye nje umuntfu lowenta tintfo ngekwetsembeka, afune liciniso, ngitalitsetselela lelidolobha.

Hezekeli 22:30

“Ngafuna umuntfu emkhatsini wabo labengakha lubondza eme embikwami esikhaleni, emele lelive, kuze ngingetikulibhubhisa, kodvwa angitfolanga namunye.

Numeri 10:35

Kwakutsi njalo nakuphuma libhokisi lesivumelwane, Mosi atsi: “Phakama Simakadze, uhlakate titsa takho, ubacoshe labo labakutondzako.”

Matewu 12:30

“Longekho ngakimi, umelene nami; nalongabutsi kanye nami, uyasakata.

3 yaJohane 1:8

Ngako-ke sifanele kubasita bantfu labanjalo, kuze sibambisane nabo emsebentini weliciniso.

Tikhulu 5:23

“Ingilosi yaSimakadze yatsi: ‘Calekisa Merozi. Calekisa bantfu bayo kabuhlungu, ngobe abazange bete kutawusita Simakadze, yebo, kutawusita Simakadze, nakalwa nalabanemandla.’