Tihlabelelo 91:7 - Siswati 1996 Bible

⁷ Labatinkhulungwane bangawa eceleni kwakho, nalabatinkhulungwane letilishumi bawele ngasesandleni sakho sekudla, kodvwa wena usale ungenamyocu.

Tihlabelelo 91:7 Referencias Cruzadas

Genesisi 7:23

Simakadze wakucitsa kanjalo-ke konkhe lokwakuphila emhlabeni; wacitsa bantfu, netifuyo netilwane letihamba ngesisu, netinyoni letindiza emoyeni. Kwasala Nowa kanye nalabo abenabo emkhunjini.

Tihlabelelo 32:6

Ngako-ke wonkhe longcwele uyawuthandaza kuwe ngesikhatsi usenekutfolakala. Ngempela ngesikhatsi emagagasi etinhlupheko adlondlobala, angeke amkhukhule.

Jeremiya 39:18

Ngiyawukusindzisa, ngeke ufe ngenkemba, kodvwa wena uyawuphunyula nemphilo yakho, ngobe wena wetsembele kimi, kusho Simakadze.’ ”

Joshuwa 14:10

“Manje, njengobe Simakadze etsembisa, ungigcinile ngaphila iminyaka lengema-45 seloku Simakadze akukhuluma loko kuMosi, ngesikhatsi ema-Israyeli azulazula ehlane. Ngako-ke naku lamuhla ngineminyaka lengema-85 budzala!