Tihlabelelo 90:17 - Siswati 1996 Bible

¹⁷ Shangatsi lutsandvo lweNkhosi lenguNkulunkulu wetfu, lungabasetikwetfu. Shangatsi ungawubusisa umsebenti wetandla tetfu; yebo, phumelelisa umsebenti wetandla tetfu.

Tihlabelelo 90:17 Referencias Cruzadas

Jobe 22:28

Konkhe loncuma kutsi ukwente kuyawukwenteka, nekukhanya kukhanye etindleleni takho.

Tihlabelelo 110:3

Sive sakho siyawutinikela mhlazana ulwa netitsa takho, emabutfo akho ayawuta kuwe ahlobe ngemvunulo lengcwele, ayawuvela njengematolo asentsatsakusa.

Tihlabelelo 118:25

Awu, Simakadze, sisindzise, siyakuncenga! Awu, Nkhosi, siphumelelise, siyakuncenga!

Tihlabelelo 27:4

Kunye kuphela lengakucela kuSimakadze, ngiko kodvwa lengikufunako: kutsi ngihlale endlini yaSimakadze onkhe emalanga ekuphila kwami, ngibukisise buhle baSimakadze, ngizindle ngaye ngisethempelini lakhe.

Tihlabelelo 50:2

ESiyoni lenebuhle lobuphelele, kulapho Nkulunkulu akhatimula khona.

Tihlabelelo 68:28

Veta emandla akho, Nkulunkulu! Sibonise emandla akho, Nkulunkulu, lawo mandla lowawabonakalisa kitsi

Tihlabelelo 80:3

Sibuyisele kuwe, Nkulunkulu. Khanyisa buso bakho bumengetele, kuze sisindziswe.

Tihlabelelo 80:7

Sibuyisele kuwe, Nkulunkulu wemabandla! Khanyisa buso bakho bumengetele, kuze sisindziswe.

Taga 16:3

Yekelela konkhe lokwentako kuSimakadze, nakanjani tinhloso takho tiyawuphumelela.

Isaya 26:12

Simakadze, wena usentela kuthula, konkhe loku lesiphumelele kukwenta, sikwentelwe nguwe.

1 kubaseKorinthe 3:7

Kepha lohlanyelako nome loniselako akasilutfo, kuphela nguNkulunkulu lokhulisako.

2 kubaseKorinthe 3:18

Ngako tsine sonkhe lesibuka ngebuso lobembuliwe, inkhatimulo yeNkhosi ibonakala kitsi njengasesibukweni, sibe siguculwa sibe njengaye ngekusuka ezingeni lelitsite lenkhatimulo siye kulelinye lizinga. Ngulowo-ke umsebenti weNkhosi lenguMoya.

2 kubaseThesalonika 2:16

Shangatsi Jesu Khristu iNkhosi yetfu matfupha, naNkulunkulu, longuBabe lowasitsandza, kwatsi ngemusa wakhe wasikhutsata ngendvudvuto yaphakadze, wasipha nelitsemba lelihle,

1 yaJohane 3:2

Batsandzekako, nyalo sibantfwana baNkulunkulu, noko akukabonakali kutsi siyawuba yini. Lesikwatiko kutsi ngesikhatsi achamuka Khristu, siyawuba njengaye, ngobe siyawumbona njengobe anjalo.