Tihlabelelo 9:9 - Siswati 1996 Bible

⁹ Simakadze usiphephelo sebantfu labacindzetelwe. Uyinqaba ngetikhatsi tekweswela.

Tihlabelelo 9:9 Referencias Cruzadas

1 Tikhronike 16:33

Tihlahla telihlatsi tiyakuhlabela, tiyakuhlatjeliswa yinjabulo embikwaSimakadze, ngobe yena uyeta kutakwehlulela umhlaba.

Tihlabelelo 108:12

Sisite uselekelele kulomelene natsi, ngobe lusito lwemuntfu lulite.

Tihlabelelo 142:4

Nangicalata eceleni kwami, ngikhandza kutsi kute namunye longangisita, kute longivikelako, kute nalonginakile.

Tihlabelelo 18:2

Simakadze, ulidvwala lami, nenqaba yami, neMkhululi wami. Nkulunkulu wami, ulidvwala lami lengiphephela kulo. Usihlangu sami sekungivikela nemandla ensindziso yami. Yena ungumgedze wami wekubhaca.

Tihlabelelo 20:1

Shangatsi Simakadze angakuphendvula, ngelilanga lekuhlupheka! Shangatsi libito laNkulunkulu waJakobe lingaba siphephelo sakho!

Tihlabelelo 32:7

Wena uyindzawo yami yekubhaca, uyangiphephisa ekuhluphekeni ungisingatse ngetingoma tenkhululeko. Cabanga.

Tihlabelelo 37:39

Insindziso yalabalungile iphuma kuSimakadze, usiphephelo sabo ngesikhatsi sekuhlupheka.

Tihlabelelo 46:1

Nkulunkulu siphephelo setfu nemandla etfu, utfolakala alusito ekuhluphekeni.

Tihlabelelo 46:7

Nkulunkulu Somandla unatsi, Nkulunkulu waJakobe usiphephelo setfu. Cabanga.

Tihlabelelo 48:3

Nkulunkulu usetindlini talo, naye utibonakalisile kutsi uyinqaba yalo sibili.

Tihlabelelo 50:15

Khala kimi ngetikhatsi tekuhlupheka, ngiyawukukhulula, bese uyangidvumisa.”

Tihlabelelo 62:8

Nine sive, yetsembelani kuye ngato tonkhe tikhatsi, tfululelani kuye tinhlitiyo tenu, Nkulunkulu usiphephelo setfu. Cabanga.

Tihlabelelo 67:5

Tive atidvumise wena, Nkulunkulu, tonkhe tive atidvumise wena.

Tihlabelelo 7:9

Ncandza bubi balababi, wakha lolungile, ngobe nguwe Nkulunkulu wekulunga lohlola tingcondvo netinhlitiyo.

Tihlabelelo 96:10

Memetelani emkhatsini wetive nitsi: “Simakadze yiNkhosi, uyabusa! Yebo, umhlaba usinyisiwe, ungeke utanyatanyiswe, nguye loyakwehlulela tive ngebucotfo.”

Tihlabelelo 98:9

embikwaSimakadze, ngobe uyeta kutakwehlulela umhlaba ngekulunga, yebo, ehlulele tive ngebucotfo.

Taga 18:10

Libito laSimakadze liyinqaba lecinile, lapho kungabalekela khona bantfu labalungile basindze.

Isaya 32:2

Ngulowo nalowo wabo uyawufanana nesiphephelo emoyeni, abe ngumkhoselisi kuso sivunguvungu, abe njengemifula yemanti ehlane, afanane nelitfunti lelidvwala lelikhulu eveni lelomele emanti.

Isaya 8:14

Nguye loyawuba siphephelo senu; kodvwa kuto totimbili tindlu tema-Israyeli uyawuba litje leliyawukhuba bantfu nelidvwala leliyawubenta bawe. Kubantfu baseJerusalema uyawuba lugibe nasochaka.

Nahume 1:7

Simakadze ulungile, usiphephelo ngetikhatsi tekuhlupheka. Uyabanakekela labo labakhosela kuye.

Lukha 13:34

“Jerusalema, Jerusalema! Ubulala baphrofethi, ugcobe ngematje titfunywa taNkulunkulu letitfunyelwe kuwe! Sekukangaki ngifuna kufukamela bonkhe bantfu bakho, njengesikhukhukati sifukamela emantjwele ngaphansi kwemaphiko aso, kodvwa awuzange ungivumele!

Dutheronomi 33:27

Nkulunkulu waphakadze siphephelo sakho, ngaphansi ngimikhono yaphakadze. Uyawucosha titsa takho embikwakho, akhulume atsi: ‘Tibhubhise!’

KumaHebheru 6:18

Ngako-ke Nkulunkulu wasebentisa tintfo letimbili langeke agucuke kuto: setsembiso nesifungo. Tsine-ke lesesitfole kuphepha kuye kufanele sibe nekukhutsatela lokukhulu, siphutfume lelitsemba leselibekwe embikwetfu.