Tihlabelelo 89:4 - Siswati 1996 Bible

⁴ ‘Ngiyawumisa intalo yakho phakadze naphakadze, ngikwakhele sihlalo sakho sebukhosi etitukulwaneni ngetitukulwane.’ ” Cabanga.

Tihlabelelo 89:4 Referencias Cruzadas

2 Samuweli 7:29

Manje-ke, shangatsi kungakujabulisa kubusisa indlu yenceku yakho, kuze ichubeke njalo embikwakho, ngobe wena, Nkhosi Simakadze, sewukukhulumile. Ngesibusiso sakho indlu yenceku yakho iyawubusiseka phakadze naphakadze.”

1 Emakhosi 9:5

ngiyawusimisa sihlalo sakho sebukhosi etikwa-Israyeli phakadze naphakadze, njengobe ngametsembisa Davide, uyihlo, ngesikhatsi ngitsi: ‘Akuyikwenteka kutsi weswele umuntfu esihlalweni sebukhosi saka-Israyeli.’

1 Tikhronike 22:10

Nguye-ke loyakwakha indlu, akhele Libito lami. Uyawuba yindvodzana yami, mine ngibe nguyise. Ngiyawumisa kahle umbuso wakhe, ngiwutintise ka-Israyeli kuze kube phakadze.’

1 Tikhronike 28:4

“Noko Simakadze, Nkulunkulu wema-Israyeli, wakhetsa mine endlini yaketfu kutsi ngibe yinkhosi yema-Israyeli phakadze naphakadze. Wakhetsa Juda kutsi abe ngumholi. Kwatsi elusendvweni lwakaJuda wakhetsa umndeni waketfu. Emkhatsini wemadvodzana ababe wajabulela kutsi akhetse mine angente inkhosi yema-Israyeli.

Tihlabelelo 132:11

Simakadze wafunga kuDavide, wenta sifungo langeke ajike kuso, watsi: “Lomunye wemadvodzana akho ngiyawumenta abe yinkhosi emvakwakho.

Tihlabelelo 132:12

Nangabe bantfwabakho bagcina sivumelwane sami netimiso tami lengiyawubafundzisa tona, nebantfwababo futsi bayawuhlala esihlalweni sakho sebukhosi, kuze kube phakadze.”

Tihlabelelo 72:17

Shangatsi libito layo lingahlala ingunaphakadze, lichubeke latiwe njengelilanga. Tive tonkhe atibusiswe ngayo; tiyawumbita ngekutsi yinkhosi lebusisekile.

Tihlabelelo 89:1

Yebo, Simakadze! Ngiyawuhlabela kuze kube phakadze ngemisebenti yemusa wakho. Kwetsembeka kwakho ngiyawukumemetela ngemlomo wami etitukulwaneni nasetitukulwaneni.

Tihlabelelo 89:29

Ngiyawumisa intalo yakhe, kuze kube phakadze, nesihlalo sakhe sebukhosi sisime, yingci nakusekhona sibhakabhaka etulu.

Tihlabelelo 89:36

Intalo yakhe iyawuma kuze kube phakadze, nesihlalo sakhe sebukhosi asiyiwugucuka, siyawuma njengelilanga lelisembikwami.

Tihlabelelo 89:50

Awu, Nkhosi yami! Khumbula kuphukutwa kwenceku yakho, nekutsi tive tingibhaceka ngetinhlamba.

Isaya 42:1

Simakadze utsi: “Nayi-ke inceku yami, lengiyicinisako, lokhetsiwe wami lengijabulako ngaye; ngiyawubeka Moya wami kuye, yena uyawuletsa umtsetfocotfo wami etiveni.

Zakhariya 12:8

Ngalelo langa Simakadze uyawubavikela labo labahlala eJerusalema, kuze kutsi lababutsakatsaka kakhulu emkhatsini wabo babe njengaDavide, bese kutsi indlu yaDavide yona ifanane naNkulunkulu, ibe njengengilosi yaSimakadze lehamba embikwabo.

KubaseRoma 15:12

Kantsi na-Isaya utsi: “Kuyawufika umliba waJese, lowo uyawuvukela kubusa tive, tive tiyakwetsembela kuwo.”

Sembulo 22:16

“Mine, Jesu, nginitfumele ingilosi yami kutsi itewuvakalisa letindzaba emabandleni. Ngisitukulwane nentalo yaDavide. Ngiyinkhanyeti yekusa lecwebetelako.”