Tihlabelelo 89:38 - Siswati 1996 Bible

³⁸ Kodvwa manje sewumlahlile wamala, wamtfukutselela logcotjiwe wakho.

Tihlabelelo 89:38 Referencias Cruzadas

2 Samuweli 1:21

“Nine tintsaba taseGilbowa, shangatsi ningabate ematolo nemvula, nibete nemasimi laneminikelo yalokutinhlavu. Ngobe lihawu lalabanemandla lilele ehlazweni, lihawu laSawula alisamanyateliswa ngemafutsa.

2 Samuweli 15:26

Kodvwa nangabe utsi: ‘Angijabuli ngawe,’ sengikulungele loko; akente kimi loko lakubona kumlungele.”

1 Tikhronike 28:9

“Wena-ke, Solomoni, ndvodzana yami, yenta Nkulunkulu weyihlo abe ligugu kuwe, umkhonte ngayo yonkhe inhlitiyo yakho nangengcondvo levumako, ngobe Simakadze uhlolisisa tonkhe tinhlitiyo acondzisise tonkhe tinjongo temicabango. Nawumfuna, utamtfola; kodvwa nawumlahla, naye utakuyekela phakadze naphakadze.

Tihlabelelo 106:40

Ngako-ke intfukutselo yaSimakadze yasivutsela sive sakhe, loko lokulifa lakhe kwaba sinengiso kuye.

Tihlabelelo 60:1

Awu, Nkulunkulu, usiyekelele wasilahla, wenta netivikelo tetfu tabhidlitwa, kwaya njengobe usitfukutselele. Buya utesilulamisa.

Tihlabelelo 60:10

Awu, Nkulunkulu, wena usilahlile. Awu, Nkulunkulu, awusahambi nemabutfo etfu emphi.

Tihlabelelo 77:7

“Kantsi Simakadze utangilahla siphelane yini? Angeke yini aphindze abe nemusa nesihawu?

Tihlabelelo 78:59

Watsi nakuva loko Nkulunkulu, watfukutsela, wabalahla baka-Israyeli.

Tihlabelelo 84:9

Nkulunkulu, buka sihlangu setfu, buka, ubone buso balogcotjiwe wakho.

Tihlabelelo 89:51

Awu, Simakadze! Titsa takho tiyayihhalatisa lenkhosi loyigcobile, tiyayilandzela tiyibambe, tiyibhaceke ngetinhlamba.

Jeremiya 12:1

Yebo Simakadze, wena uhlala ungcwele, nangiletsa indzaba embikwakho. Noko ngifuna kukhuluma nawe macondzana nekwehlulela kwakho. Kwentiwa yini kutsi indlela yalomubi iphumelele? Kwentiwa yini kutsi labangaketsembeki bahlale kahle bakhululekile?

Sililo 2:7

Simakadze ulilahlile lilati lakhe, wayishiya indzawo yakhe lengcwele. Unikele tibondza tetigodlo taseSiyoni etitseni; tamemeta kakhulu ekhatsi endlini yaSimakadze, kwaze kwaba shangatsi ngungelilanga lelidzili lelamiswa.

Sililo 4:20

Logcotjiwe waSimakadze, lokunguyena angimitsambo yekuphila kwetfu, wabhajwa etingibeni tabo. Besicabanga kutsi siyawukhosela ngaphansi kwematfunti akhe, siphile emkhatsini wetive ngetive.

Hoseya 9:17

Nkulunkulu wami uyawubala, ngobe abakamlaleli yena; bayawuba ngimizulane emkhatsini wetive.

Zakhariya 11:8

Nganyanga yinye ngesusa labelusi labatsatfu. Umhlambi wangenyanya, nami ngadzinwa nguwo,

Zakhariya 13:7

“Awu nkemba, vuka umelane nemelusi wami, umelane nemuntfu longumngani wami,” kusho Simakadze longuSomandla. “Shaya umelusi umbulale, timvu tiyawuhlakateka. Ngiyawugucula sandla sami etikwaletincane, ngimelane nato.”

Dutheronomi 32:19

“Simakadze wakubona loko, wabalahla, ngobe abetfukutseliswe ngemadvodzana nemadvodzakati akhe.