Tihlabelelo 89:28 - Siswati 1996 Bible

²⁸ Ngiyawumgcinela umusa wami kuze kube phakadze. Sivumelwane sami naye siyawuhlala simile.

Tihlabelelo 89:28 Referencias Cruzadas

2 Samuweli 23:5

“Indlu yami ayikalungi yini kuNkulunkulu? Akenti nami yini sivumelwane saphakadze naphakadze, lesihlelwe kahle savikeleka macala onkhana? Akayikuphumelelisa yini kusindziswa kwami, anginike konkhe lengikufisako?

Tihlabelelo 111:5

Ubapha kudla labo labamesabako, sivumelwane sakhe uyasikhumbula phakadze naphakadze.

Tihlabelelo 111:9

Sive sakhe wasitfumelela kuhlengwa, wemisa sivumelwane sakhe kuze kube phakadze. Lingcwele liyesabeka libito lakhe.

Isaya 54:10

Nome tintsaba tingatanyatanyiswa nemagcuma esuswe, noko lutsandvo lwami lolungapheli lengikutsandza ngalo, lungeke lutanyatanyiswe, nesivumelwane sami sekuthula singeke sisuswe,” kusho Simakadze lonesihawu kuwe.

Isaya 55:3

Bekani indlebe, nite kimi; vanini, kuze imiphefumulo yenu itewuphila. Ngitakwenta sivumelwane saphakadze nani, nginiphe tibusiso lengatetsembisa Davide.