Tihlabelelo 89:21 - Siswati 1996 Bible

²¹ Sandla sami siyawuma naye njalo simcinise, ngempela ingalo yami iyawumcinisa.

Tihlabelelo 89:21 Referencias Cruzadas

2 Samuweli 23:1

Lawa ngemavi ekugcina enkhosi Davide: “Inkhulumo yaDavide, umsa waJese, inkhulumo yalowo lowaphakanyiswa nguLosetikwako Konkhe. Ungumuntfu lowagcotjwa nguNkulunkulu waJakobe, umhlabeleli wetingoma ka-Israyeli.

Tihlabelelo 89:13

Unengalo lenemandla, nesandla sakho sinemandla, nesandla sakho sekudla siphakeme.

Isaya 41:10

Ngako-ke ungesabi, ngobe mine nginawe; ungajabhi, ngobe mine nginguNkulunkulu wakho. Ngitakucinisa ngikusite, ngiyakukubamba ngesandla sami sekudla lesilungile.

Isaya 42:1

Simakadze utsi: “Nayi-ke inceku yami, lengiyicinisako, lokhetsiwe wami lengijabulako ngaye; ngiyawubeka Moya wami kuye, yena uyawuletsa umtsetfocotfo wami etiveni.

Isaya 49:8

Naku lokushiwo nguSimakadze, utsi: “Ngiyawukuphendvula ngesikhatsi sami lengisitsandzako, nangelilanga lensindziso ngiyawukusita. Ngiyawukugcina, ngikwente ube sivumelwane sami nebantfu, kuze kubuyiselwe live, banikwe kabusha emafa labese acitsekile.

Zakhariya 10:12

Baka-Israyeli ngiyawubacinisa kuSimakadze, nabo bayawuhamba kulo Libito lakhe,” kusho Simakadze.

1 Samuweli 16:13

Ngako Samuweli watsatsa luphondvo lwakhe lwemafutsa wamgcoba ebaleni embikwabomnakabo. Kusukela ngalelo langa Moya waSimakadze wehlela etikwaDavide ngemandla lamakhulu. Samuweli wesuka lapho waya eRama.