Tihlabelelo 87:7 - Siswati 1996 Bible

⁷ Bahlabeleli nebadlali ngalokufanako batsi: “Yonkhe imitfombo yami ikuwe.”

Tihlabelelo 87:7 Referencias Cruzadas

2 Samuweli 6:14

Davide abembetse sidziya sebaphristi lesasentiwe ngelineni, wagidza embikwaSimakadze ngawo onkhe emandla akhe ajabulile,

1 Tikhronike 23:5

Labati-4 000 bona batawuba bomahlalesangweni, labati-4 000 babe bekudvumisa Simakadze ngetingubhu temculo lengitimisele loko.”

Tihlabelelo 149:3

Abadvumise ngekugidza nangesigubhu nangehabhu.

Tihlabelelo 36:9

ngobe nguwe umtfombo wekuphila, kukhanya sikubona ekukhanyeni kwakho.

Tihlabelelo 46:4

Kukhona umfula lonemifudlana lejabulisa labo labasekhaya laNkulunkulu, endlini lengcwele yaLosetikwako Konkhe.

Tihlabelelo 68:26

“Bongani Nkulunkulu emikhambatsini nidvumise Simakadze, nine beluhlanga lwaka-Israyeli.”

Isaya 12:3

Ngekujabula niyawukha emanti emitfonjeni yensindziso.

Hezekeli 47:1

Lendvodza yangibuyisela ekungeneni kwelithempeli. Kwakunesiyalu semanti lesasicubuka phansi emnyango, emanti aso agelete abheke ngasemphumalanga, lapho kwakubuke khona umnyango welithempeli. Abegeleta ehla esuka ngaseningizimu kwelithempeli endlule ngaseningizimu kwelilati.

Johane 1:16

Ngobe ekupheleleni kwakhe sonkhe saphiwa umusa etikwemusa.

Johane 4:10

Jesu waphendvula watsi: “Kube mane bewusati sipho saNkulunkulu nekutsi ngubani lona lotsi: ‘Nginatsise,’ ngabe ucele kuye, yena abetakunika emanti laphilako.”

Johane 4:14

Kepha lowo loyawunatsa emanti lengiyawumnika wona, angeke aphindze ome naphakadze; ngobe emanti lengiyawumnika wona, ekhatsi kuye ayawuba ngumtfombo wemanti laphuphumako, kube kuphila lokuphakadze.”

YaJakobe 1:17

Tonkhe tipho letinhle naletiphelele tivela ngetulu, tiphuma kuBabe uMdali wetibane tasesibhakabhakeni, lote kugucugucuka, njengobe tona tigucuka, tibohle tisishiya ebumnyameni.

Sembulo 21:6

Wase utsi kimi: “Sekwentekile. Mine ngingu-Alfa na-Omega, sicalo nesiphetfo. Lowo lowomile ngiyawumnika lilungelo lekunatsa mahhala emtfonjeni wemanti ekuphila.

Sembulo 22:1

Lengilosi yase ingikhombisa umfula wemanti ekuphila, wawukhanya njengengilazi lekhanya kubonakale ngale. Emanti awo abegeleta aphuma esihlalweni sebukhosi saNkulunkulu neseliWundlu.

Sembulo 22:17

Moya namakoti batsi: “Kota!” Wonkhe umuntfu lovako akatsi: “Kota!” Lowo lowomile akete; nalowo lofuna emanti ekuphila, akawanatse mahhala.