Tihlabelelo 87:4 - Siswati 1996 Bible

⁴ “Ngibala iRahabi neBhabhulona, emkhatsini walabo labangatiko. Yebo, emaFilisti, nebaseThire, nebaseKushe, bonkhe labo bantfu batalelwa eSiyoni.”

Tihlabelelo 87:4 Referencias Cruzadas

Jobe 9:13

Nkulunkulu akajiki angatfukutsela, ngisho nemabutfo akaRahabi akhotsama etinyaweni takhe.

Tihlabelelo 137:1

Sahlala ngasemifuneli yaseBhabhulona, sakhala khona nasikhumbula iSiyoni.

Tihlabelelo 45:12

Wena, ndvodzakati yaseThire, tingcunga tiyawutincengela kuwe ngekukuletsela tipho.”

Tihlabelelo 68:31

Emancusa ayawuvela eGibhithe, naKushe atinikele kuNkulunkulu.

Tihlabelelo 89:10

Nguwe lowapitjita Rahabi, wambulala. Titsa takho watisakata ngesandla sakho lesinemandla.

Isaya 19:11

Tiphatsimandla taseSowani atisilo lutfo, kuphela nje, titibhungayeti; beluleki labahlakaniphile bakaFaro beluleka ngeteluleko letingenangcondvo. Ungasho kanjani kuFaro utsi: “Ngingulomunye walabahlakaniphile, intalo yemakhosi akadzeni”?

Isaya 51:9

Vuka, vuka! Tembatsise ngemandla, wena mkhono waSimakadze; vuka, ube nguloku bewungiko kucala, njengasetitukulwaneni takadzeni. Kwakungesiwe yini lona lowacoba Rahabi waba ticucu, lowagwaza leso silwane lesikhulu nalesesabekako?

Jeremiya 25:9

ngitawubita tonkhe tive tangasenyakatfo kanye nenceku yami Nebukhadnezari, inkhosi yaseBhabhulona, ngibaletse batekulwa nalelive kanye netakhamiti talo nato tonkhe tive letibomakhelwane,” kusho Simakadze. “Ngiyawubabhubhisa ngibacedze nya, ngibente intfo yekwesabisa, nenhlekisa, nencitsakalo yaphakadze.

Hezekeli 28:2

“Ndvodzana yemuntfu, shano kumbusi waseThire, utsi: ‘Naku lokushiwo yiNkhosi Simakadze, itsi: “ ‘Ukhuluma ngekutigcabha enhlitiyweni yakho, utsi: “Mine ngingunkulunkulu; ngihlala esihlalweni sebukhosi sankulunkulu ekhatsi nekhatsi elwandle.” Kodvwa ungumuntfu, awusiye nkulunkulu, nome nje uticabanga kutsi uhlakaniphe njengankulunkulu.

Danyela 4:30

yatsi: “Lena akusiyo yini iBhabhulona lenkhulu lengiyakhile yaba sigodlo sekuhlala inkhosi, ngemandla ami lamakhulu ngayakhela ludvumo lwebukhosi bami?”

Imisebenti yebaPhostoli 8:27

Wasukuma, wahamba. Bheka, wabona umTopiya labengumtsenwa, asiphatsimandla saKhandase, indlovukazi yaseTopiya, abebalulekile futsi angumgcinisikhwama sendlovukazi; abephuma eJerusalema kuyawudvumisa Nkulunkulu,

Sembulo 17:5

Ebuntini lakhe kwakubhalwe libito leliyimfihlakalo litsi: “IBhabhulona lenkhulu, unina wetingwadla nemanyala emhlaba.”

Sembulo 18:2

Yamemeta ngelivi lelikhulu yatsi: “Iwile, yebo, iwile iBhabhulona lenkhulu! Seyigucuke yaba likhaya lemadimoni, nesihhehle sekubhaca bonkhe bomoya lababi, nesato tonkhe tinyoni letingcolile naletenyanyekako.

1 Samuweli 17:8

Goliyathi wema, wamemeta leticheme temphi yema-Israyeli, watsi: “Niteleni lapha kutawuma emahele emphi? Angisiye umFilisti yini mine? Nine anisito yini tinceku taSawula? Khetsani indvodza ibe yinye emkhatsini wenu, niyitfumele lapha kimi.