Tihlabelelo 86:1 - Siswati 1996 Bible

¹ Awu, Simakadze! Beka indlebe yakho, ungiphendvule, ngobe ngiselusizini nginguloweswele.

Tihlabelelo 86:1 Referencias Cruzadas

Tihlabelelo 10:14

Kantsi wena uyabona, ngobe tinhlupheko netinsizi uyakunaka, kuze ukufumbatse ngetandla takho. Lohluphekile utinikela kuwe, ngobe wena ungumsiti wetintsandzane.

Tihlabelelo 102:1

Awu, Simakadze! Vani umthandazo wami. Kukhala kwami akufinyelele kuwe.

Tihlabelelo 102:17

anake imikhuleko yalabangenabani, angayibukeli phansi imithandazo yabo.

Tihlabelelo 119:22

Ngikhulule etinhlambeni nasekungedzeleleni kwabo, ngobe imiyalo yakho ngiyigcinile.

Tihlabelelo 140:12

Ngiyati kutsi Simakadze uyayimelela indzaba yalohluphekile, awamelele nemalungelo alomphofu.

Tihlabelelo 142:1

Ngikhala kuSimakadze ngelivi lami. Ngincenga Simakadze ngelivi lami.

Tihlabelelo 17:6

Ngincusa kuwe, ngobe wena, Nkulunkulu, utangiphendvula; beka indlebe yakho, ulalele emavi ami.

Tihlabelelo 25:16

Gucukela kimi, Simakadze, ube nemusa kimi, ngobe nginesitunge, ngihluphekile.

Tihlabelelo 31:2

Sondzeta indlebe yakho, ungephule ngekushesha, bani lidvwala lesiphephelo sami nenqaba yekungisindzisa.

Tihlabelelo 34:6

Ngangingumuntfu losihlupheki, ngakhala kuSimakadze, wangiva, wangisindzisa kuko konkhe kuhlupheka kwami.

Tihlabelelo 40:17

Nome ngihlupheka ngimphofu, kepha iNkhosi iyanginakekela. Wena ungumsiti wami nemkhululi wami; Nkulunkulu wami, ungalibali.

Isaya 37:17

Vula indlebe yakho! Awu, Simakadze, vani; uvule emehlo akho, Simakadze, ubone; lalela onkhe emavi latfunyelwe nguSenaheribi ekwetfuka wena, Nkulunkulu lophilako.

Isaya 66:2

Tonkhe letintfo atikentiwa sandla sami yini, kuze kutsi tibe khona?” kusho Simakadze. “Ngulowo-ke mine lengimatisako, lowo lotfobekile nalodzabukile emoyeni, nalolitfutfumelelako livi lami.

Danyela 9:18

Awu Nkulunkulu wami, mane ubeke indlebe, uve, vula emehlo akho ubone kubhidlitwa kwetfu nekwelidolobha lelibitwa ngeLibito lakho. Asiletsi kuncusa kwetfu kuwe, ngobe tsine silungile, kodvwa kungenca yemusa wakho lomkhulu.

Matewu 5:3

“Babusisiwe labamphofu emoyeni, ngobe umbuso welizulu wabo.

Lukha 4:18

“UMoya weNkhosi ukimi, ngobe ungigcobile kutsi ngishumayele tindzaba letimnandzi etimphuyeni; ungitfumile kutsi ngimemetele inkhululeko kulabatfunjiwe, nekuvula emehlo etimphumphutseni, nekukhulula labacindzetelekile,

YaJakobe 2:5

Ase nilalele, bazalwane bami labatsandzekako! Nkulunkulu akabakhetsanga yini labaphuyile lapha emhlabeni kutsi babe ngulabacebile ekukholweni, netindlalifa embusweni lawetsembisa labo labamtsandzako?