Tihlabelelo 85:12 - Siswati 1996 Bible

¹² Yebo, Simakadze, uyawusipha lokuhle, live letfu liyawutsela titselo.

Tihlabelelo 85:12 Referencias Cruzadas

Tihlabelelo 67:6

Umhlaba waba nesivuno lesihle senala, Nkulunkulu, longuNkulunkulu wetfu, usibusisile.

Tihlabelelo 72:16

Shangatsi kungaba nenala emasimini, lenala isibekele ticongo tetintsaba, kube tiphihli, sincane setihlahla taseLebanoni. Shangatsi lamadolobha angagcwala bantfu, babe ngangetjani.

Tihlabelelo 84:11

Ngobe Simakadze, Nkulunkulu ulilanga letfu nesihlangu sekusivikela. Simakadze usipha umusa asente sihlonipheke. Angeke abagodlele lutfo loluhle labo labahamba ngebucotfo embikwakhe.

Isaya 32:15

aze Moya wasezulwini atfululelwe etikwetfu, bese kutsi lihlane libe yinsimi levundzile, nensimi levundzile ifanane nelihlatsi.

Isaya 45:8

“Nisani kulunga, nine mazulu lasetulu; emafu akakutfululele phansi. Umhlaba awuvuleke kabanti, insindziso ayihlume, kulunga akukhule nayo; mine, Simakadze, ngikudalile.

Levithikusi 25:19

Umhlaba uyawutsela titselo tawo, nidle nesutse, nihlale kulo niphephile.

Levithikusi 26:4

ngiyawunitfumelela imvula ngesikhatsi sayo, nemhlaba uninike sivuno lesihle, netihlahla tesiganga titsele titselo tato.

Mikha 6:8

Cha, Simakadze usitjelile lokungukona kukuhle. Lakufunako kitsi ngunaku: Ufuna sente kulunga, siphatsane ngemusa, siphilele Nkulunkulu ngentfobeko.

Zakhariya 8:12

“Inhlanyelo seyiyawukhula kahle, sivini siyawutsela titselo taso, umhlaba uyawuveta sivuno sawo, nemazulu ayakwehlisa ematolo awo. Tonkhe letintfo ngiyawutipha insali yalesive tibe lifa laso.

Matewu 13:23

Lena leyayihlanyelwe emhlabatsini lovundzile ifanekisa lowo lolivako livi, alicondze, bese utsela titselo: lomunye ngelikhulu, lomunye ngema-60, nalomunye ngema-30.”

Matewu 13:8

Kodvwa lenye yawela emhlabatsini lovundzile, yatsela titselo: lenye ngelikhulu, lenye ngema-60, lenye ngema-30.

Imisebenti yebaPhostoli 2:41

Labo labalemukela livi lakhe babhajatiswa; babengacishe babe ti-3 000 tebantfu letengetelwa kubo ngalelo langa.

Imisebenti yebaPhostoli 21:20

Batsi kube bamuve bonkhe, badvumisa Nkulunkulu. Base batsi kuPawula: “Uyabona-ke, mzalwane, kukhona tinkhulungwane temaJuda letikholwako, bonkhe babambelele kakhulu emtsetfweni.

1 kubaseKorinthe 1:30

Yena ungumtfombo wemphilo yenu kuJesu Khristu, lamenta waba kuhlakanipha kwetfu, nekulunga, nekungcweliswa, kanye nekuhlengwa.

Kubase-Efesu 1:3

Akabongwe Nkulunkulu longuYise weNkhosi yetfu Jesu Khristu, ngobe usibusise kuKhristu ngato tonkhe tibusiso taMoya tasezulwini.

YaJakobe 1:17

Tonkhe tipho letinhle naletiphelele tivela ngetulu, tiphuma kuBabe uMdali wetibane tasesibhakabhakeni, lote kugucugucuka, njengobe tona tigucuka, tibohle tisishiya ebumnyameni.