Tihlabelelo 85:11 - Siswati 1996 Bible

¹¹ Kuyawuhluma liciniso emhlabatsini, kulunga kulungute emhlabeni kusezulwini.

Tihlabelelo 85:11 Referencias Cruzadas

Tihlabelelo 72:3

Tintsaba tiyawuletsa kuthula kubantfu, kanjalo nemagcuma kuchuma kwekulunga.

Isaya 4:2

Ngalelo langa Ligala laSimakadze liyawuba lihle likhatimule, netitselo talelo live tiyawuba ludvumo nebuhle betinsali taka-Israyeli.

Isaya 42:21

Kwamjabulisa Simakadze ngenca yekulunga kwakhe kutsi ente umtsetfo wakhe ube mkhulu, futsi ube neludvumo.

Isaya 45:8

“Nisani kulunga, nine mazulu lasetulu; emafu akakutfululele phansi. Umhlaba awuvuleke kabanti, insindziso ayihlume, kulunga akukhule nayo; mine, Simakadze, ngikudalile.

Isaya 53:2

Inceku yakhe yakhula embikwakhe njengelihlumela lelitsambile, nanjengemphandze emhlabatsini lowomile. Yayite buhle nome bukhosi kuze isikhange kutsi sisondzele kuyo, kute lebeyibonakala inako lokwakungenta kutsi siyilangatelele, siye kuyo.

Matewu 17:5

Watsi asakhuluma loko, kwachamuka lifu lelikhatimulako, labasibekela. Kwevakala livi kulelifu litsi: “Lena yiNdvodzana yami letsandzekako, lengitfokota ngayo; yilaleleni!”

Matewu 3:17

Kusenjalo kwevakala livi livela ezulwini litsi: “Lena yiNdvodzana yami, letsandzekako, lengijabula ngayo.”

Lukha 2:14

“Akube bukhosi kuNkulunkulu kulelisetulu kakhulu nekuthula emhlabeni kubantfu labatfokotelwa nguye!”

Johane 14:6

Jesu watsi kuye: “Mine ngiyindlela, neliciniso, nekuphila. Kute longeta kuBabe nakangeti ngami.

2 kubaseKorinthe 5:21

Khristu abengenasono. Noko Nkulunkulu wamenta kutsi abe sono ngenca yetfu, kuze kutsi ngaye semukeleke kuNkulunkulu kutsi silungile.

Kubase-Efesu 1:6

Ngako-ke akudvunyiswe umusa wakhe webukhosi, lasipha wona ngeNdvodzana yakhe letsandzekako.