Tihlabelelo 80:9 - Siswati 1996 Bible

⁹ Wawulungisela umhlaba wekuhlanyela, wakhula, wajula, wenaba, wagcwala live.

Tihlabelelo 80:9 Referencias Cruzadas

2 Samuweli 7:10

Sive sami, ema-Israyeli, ngitasentela indzawo lenhle, ngisihlanyele khona kuze sibe nelikhaya laso, singaphindzi sikhatsateke. Bantfu lababi bangeke baphindze basihluphe sive njengobe bebenta ekucaleni,

1 Emakhosi 4:20

Bantfu bakaJuda nebaka-Israyeli bebabanyenti bangangesihlabatsi saselwandle, babedla, banatse, bajabule.

1 Emakhosi 4:25

Ngesikhatsi sekuphila kwaSolomoni, Juda na-Israyeli, kusukela kaDani kuye eBherisheba, babehleti ngekuthula, nguleyo naleyo ndvodza itibhekele umvini wayo kanye nemkhiwa wayo.

1 Tikhronike 21:5

Jowabe wabikela inkhosi Davide linani lemadvodza emphi. Kulo lonkhe laka-Israyeli abesi-1 100 000, emadvodza labengabamba inkemba, bese kutsi kulakaJuda abeti-470 000.

Tihlabelelo 105:44

Wabapha emave ebetive, badla lifa lelititfukutfuku tebetive,

Tihlabelelo 44:3

Ngobe live abalichwaganga ngenkemba yabo ngisho nekuncoba abancobanga ngetikhwepha tabo; kodvwa bancoba ngesandla sakho sekudla, nangengalo yakho, nangekukhanya kwebuso bakho, ngobe wena wawubatsandza.

Isaya 27:2

Ngalelo langa: “Hlabelani ngesivini lesitselako.

Isaya 27:6

Ngemalanga letako, Jakobe uyawumila timphandze asime, Israyeli uyawuhluma achakaze timbali, agcwalise umhlaba wonkhe ngetitselo.

Isaya 37:31

Insali yendlu yakaJuda iyawuphindza futsi ifake timphandze tayo phansi, ngetulu itsele titselo tayo.

Isaya 5:2

Wasimba wesusa onkhe ematje kuso, wahlanyela kuso imivini yelikhetselo. Wakha umbhoshongo wekulindza ekhatsi kuso, wacopha nesikhamo seliwayini edvwaleni. Abetsembe kutsi sitawutsela emagelebisi lamahle, kodvwa satsela emagelebisi esiganga lamunyu.

Jeremiya 12:2

Ubahlanyele, bamila; bayakhula batsele titselo. Sonkhe sikhatsi uhlala usetindzebeni temilomo yabo, kodvwa ukhashane netinhlitiyo tabo.

Jeremiya 2:21

Bengikuhlanyele njengemvini welikhetselo, weluhlobo lolucinile nalolwetsembekile. Pho, ungigucukele kanjani lokutsi bese uba ngumvini lokhohlakele longewesiganga?

Joshuwa 24:12

Ngatfumela bomanyovu ngembili kwenu, lababadvungulula, nine nisengakefiki, kanjalo futsi nemakhosi ema-Amori lamabili. Loko anizange nikwente ngenkemba nangebutjoki benu.