Tihlabelelo 80:16 - Siswati 1996 Bible

¹⁶ Labawujubile bawushisa ngemlilo, bayawubhujiswa kubhekwa buso bakho.

Tihlabelelo 80:16 Referencias Cruzadas

Tihlabelelo 39:11

Nawekhuta umuntfu, umjezisa ngenca yekona kwakhe, umhlikite njengendvwangu lenhle kakhulu nayidliwa ngumvunya. Impela, kuphila kwemuntfu kunjengenkhungu. Cabanga.

Tihlabelelo 79:5

Kuyawuze kube ngunini, Simakadze, lulaka lwakho luvutsa njengemlilo? Lulaka lwakho luyawuvutsa njengemlilo kuze kube ngunini?

Tihlabelelo 90:7

Intfukutselo yakho isicedza emandla, lulaka lwakho luyasesabisa.

Isaya 27:11

Kuyawutsi emagala akhona nasomile, ephulwe, kufike bafati bawatfote, bayekuwabasa. Ngobe lesi sive lesingeva emadlebeni, ngako, uMenti waso akasenamunyu ngaso, uMdali waso akasenasihawu ngaso.

Johane 15:6

Umuntfu longahlali kimi, uyawulahlwa ngephandle njengeligala, abune, ome, kufike bantfu batfote lamagala bayekuwabasa emlilweni, lapho afike ashe khona.

2 kubaseThesalonika 1:9

Bayawujeziswa ngekubhujiswa kwaphakadze balunyulwe ebukhoneni beNkhosi nasenkhatimulweni yemandla ayo.