Tihlabelelo 79:5 - Siswati 1996 Bible

⁵ Kuyawuze kube ngunini, Simakadze, lulaka lwakho luvutsa njengemlilo? Lulaka lwakho luyawuvutsa njengemlilo kuze kube ngunini?

Tihlabelelo 79:5 Referencias Cruzadas

Tihlabelelo 103:9

Akatsetsi ngaso sonkhe sikhatsi, futsi akahlali atfukutsele kuze kube phakadze.

Tihlabelelo 6:4

Buya, Simakadze, ungephule ekufeni, khulula umphefumulo wami, ngobe umusa wakho awupheli.

Tihlabelelo 74:1

Awu, Nkulunkulu! Usilahleleni sive sakho siphelane? Intfukutselo yakho ibhunyeleleni timvu telidlelo lakho?

Tihlabelelo 80:4

Awu, Simakadze, Nkulunkulu wemabandla! Kutawuze kube ngunini ucansulwa ngimithandazo yesive sakho?

Tihlabelelo 80:5

Wabapha sinkhwa ngetinyembeti, wabanatsisa ngetinyembeti.

Tihlabelelo 85:5

Utasitfukutselela kuze kube phakadze yini? Kantsi lulaka lwakho utalwelula titukulwane ngetitukulwane yini?

Tihlabelelo 89:46

Kuyawuze kube ngunini, Simakadze, utifihla siphelane ngingakuboni? Kuyawuze kube ngunini lulaka lwakho luvutsa njengemalangabi emlilo?

Tihlabelelo 89:47

Khumbula-ke kutsi sikhatsi sami singakanani emhlabeni. Bonkhe bantfu lowabadala bendlula njengemoya kulomhlaba.

Isaya 64:9

Awu Simakadze, ungatfukutseli kwekwengca, ungatikhumbuli tono tetfu phakadze naphakadze. Awu, siyakuncusa, sibuke, ngobe sonkhe sibantfu bakho.

Sililo 5:22

Nome sewusilahle kokuphela yini? Sekute yini siphetfo ekutfukutseleni kwakho?

Hezekeli 36:5

“ ‘Naku lokushiwo yiNkhosi Simakadze, itsi: Ngentfukutselo yami levutsako ngikhulume ngemelana nato tonkhe tive letisele, kanye nalo lonkhe laka-Edomu, ngobe batsatsa live lami balenta labo ngekujabula, nangenhlitiyo lembi, bentela kuphanga emadlelo alo.’

Mikha 7:18

Kute nkulunkulu lofana nawe, Simakadze; wena utsetselela tono tensali yakho lesele ekubhujisweni. Awuhlali utfukutsele siphelane, kodvwa ujabulela kusikhombisa umusa wakho.

Zefaniya 1:18

Isiliva yabo negolide yabo kungeke kubasindzise ngelilanga lelulaka lwaSimakadze. Emlilweni wesikhwele sakhe umhlaba wonkhe uyawushiswa, ngobe uyakwenta siphetfo lesisheshisako sabo bonkhe labahlala emhlabeni.

Zefaniya 3:8

Simakadze utsi: “Ngako-ke ngimeleni, ngalelo langa ngiyawuma ngifakaze. Ngincume kuhlanganisa tive, ngibutsele ndzawonye imibuso, bese ngitfululela lulaka lwami etikwato, yonkhe intfukutselo yami leyesabekako. Umhlaba wonkhe uyawubhujiswa ngemlilo wekukhweleta kwentfukutselo yami.

Zakhariya 1:12

Ingilosi yaSimakadze yatsi: “Simakadze Somandla, kuyawuze kube ngunini solomane sihawu sakho usigodlele iJerusalema nemadolobha akaJuda, lowawuwatfukutselele kuleminyaka lengema-70?”

Dutheronomi 29:20

Simakadze akayiwuze avume kumcolela, intfukutselo yaSimakadze nelulaka lwakhe luyakumvutsela lowo muntfu. Tonkhe ticalekiso letibhalwe kulencwadzi tiyawukwehlela etikwakhe. Simakadze uyawulesula libito lakhe emhlabeni.

Dutheronomi 32:16

Bamenta waba nesikhwele ngabonkulunkulu babo betive; bamtfukutselisa ngaleto tithico tabo letinengekako.

Dutheronomi 32:22

Ngobe umlilo uphembeke ngentfukutselo yami, umlilo lovutsa ufike phansi ekujuleni endzaweni yalabafile. Uyawudla umhlaba kanye netivuno tawo, ulumeke umlilo etisekelweni tetintsaba.

Sembulo 6:10

Bamemeta kakhulu, ngelivi lelikhulu, batsi: “Nkhosi Somandla, longcwele naloliciniso, kuyawudzimate kube ngunini ungehluleli uphindzisele ingati yetfu kulabo labahleti emhlabeni?”