Tihlabelelo 77:18 - Siswati 1996 Bible

¹⁸ Siphepho sasinemsindvo wekudvuma, kwaphambana imibane, kwakhanya umhlaba, umhlaba wagidzitela watamatama.

Tihlabelelo 77:18 Referencias Cruzadas

2 Samuweli 22:14

Simakadze wabhavumula asezulwini. Losetikwako Konkhe walivakalisa livi lakhe.

2 Samuweli 22:8

“Umhlaba watfutfumela, watamatama, tisekelo temazulu tatfutfumela, tatamatama, ngobe Somandla abesatfukutsele.

Tihlabelelo 104:7

Wawekhuta abaleka, ngekubhonga kwelivi lakho asubatsa ngematubane abaleka,

Tihlabelelo 18:14

Wajijimeta ngemicibisholo yakhe, kwasakateka titsa, watigalela ngemibane, watidzidzitelisa, tasiphuka.

Tihlabelelo 18:15

Kujula kwetilwandle kwenekeka ebaleni, tisekelo temhlaba tembuleka, ngenca yekutsetsa kwakho, Simakadze, nangenca yekufutsa kwemakhala akho.

Tihlabelelo 18:7

Umhlaba watfutfumela, watamatama, netisekelo tetintsaba tatfutfumela, tatamatama, ngobe Somandla abesatfukutsele.

Tihlabelelo 97:4

Imibane yakhe ikhanyisa umhlaba, umhlaba ungayibona lemibono, uyatfutfumela.

Eksodusi 19:16

Ekuseni ngelilanga lesitsatfu kwaba nekudvuma nemibane, lifu lelimnyama labonakala etikwentsaba, kwase kuvakala licilongo lelakhala kakhulukati. Bonkhe bantfu lapha enkambu betfuka batfutfumela ngenca yekwesaba.

Eksodusi 19:18

Yonkhe leNtsaba iSinayi yasibekelwa lifu, ngobe Simakadze abesehlele etikwayo ngemlilo. Intfutfu yenyuka njengentfutfu yembutfuma yemlilo; yonkhe intsaba yatamatama.

Habakhuki 3:4

Kucwebetela kwakhe kunjengekuphuma kwelilanga; kubaneka imisebe etandleni takhe, lapho kufihlakele khona emandla akhe.

Matewu 27:51

Bheka, indvwangu leyayilenga ethempelini yadzabuka ekhatsi, kusukela etulu kuya phansi. Umhlaba watamatama, emadvwala achekeka ekhatsi,

Matewu 28:2

Kwaba khona kutamatama kwemhlaba lokukhulu, ingilosi yeNkhosi yehla ezulwini, yaligicita lelitje, yase ihlala etikwalo.

Sembulo 11:19

Kwavuleka lithempeli laNkulunkulu ezulwini, kwabonakala libhokisi lesivumelwane lingekhatsi kwelithempeli lakhe. Kwaba nemibane, nemisindvo lemikhulu, nekudvuma, nekutamatama kwemhlaba, nesangcotfo lesikhulu.

Sembulo 18:1

Emvakwaloko ngabona lenye ingilosi lenkhulu yehla iphuma ezulwini, ineligunya lelikhulu. Inkhatimulo yayo yakhanyisa umhlaba wonkhe.

Sembulo 20:11

Ngase ngibona lesikhulu sihlalo sebukhosi lesimhlophe, nalohleti kuso. Lizulu nemhlaba kwambalekela kwanyamalala ebusweni bakhe, akuzange kuphindze kutfolakale ndzawo.

Tikhulu 5:4

“Yebo, Simakadze, nawuphuma eSeyiri, nawuhlasela usuka eveni laka-Edomu, umhlaba watamatama, emazulu acitsa. Emafu acitsa imvula.