Tihlabelelo 75:5 - Siswati 1996 Bible

⁵ Ningatiphakamisi nitikhukhumete, ningakhulumi ngekwedzelela!’ ”

Tihlabelelo 75:5 Referencias Cruzadas

2 Tikhronike 30:8

Ningabi netinhloko letilukhuni njengaboyihlo, kodvwa titfobeni kuSimakadze. Wotani endzaweni lengcwele, layingcwelise kuze kube phakadze. Khontani Simakadze Nkulunkulu wenu, khona intfukutselo yakhe leyesabekako ingetikunehlela.

Tihlabelelo 66:7

Nguye lobusa ngemandla kuze kube phakadze. Emehlo akhe ahlala alindze tive, labo labanenkhani abangatikhukhumeti. Cabanga.

Eksodusi 32:9

Simakadze wachubeka wakhuluma kuMosi watsi: “Sengibabonile labantfu kutsi basive lesinentsamo lelukhuni.

Isaya 48:4

Ngobe nganginati kutsi ninenkhani kangakanani. Imisipha yetintsamo tenu kutinsimbi, nemabunti enu kungewelitfusi.

Hezekeli 2:4

Lesive lengikutfumela kuso sinenkhani nenhloko lelukhuni. Khuluma kuso, utsi: ‘Naku lokushiwo yiNkhosi Simakadze.’

Imisebenti yebaPhostoli 7:51

“Maye, ninenkhani! Maye, anikholwa etinhlitiyweni tenu! Maye, nitihhulu ekuveni livi laNkulunkulu! Nifute bokhokho benu, nani niphikisana naMoya Longcwele.

Dutheronomi 31:27

Ngobe ngiyanati kutsi nibantfu labatsandza kangakanani kuhlubuka nekucinisa tinhloko. Njengobe benitsandza kangaka kuhlubuka Simakadze ngisaphila kanye nani, niyakumhlubuka kakhulu kangakanani-ke nase ngifile.