Tihlabelelo 74:2 - Siswati 1996 Bible

² Khumbula libandla lakho lowatikhetsela lona kwasemandvulweni, walihlenga kutsi libe sive lesilifa lakho. Khumbula iNtsaba iSiyoni, lapho wawuhlala khona.

Tihlabelelo 74:2 Referencias Cruzadas

Tihlabelelo 106:40

Ngako-ke intfukutselo yaSimakadze yasivutsela sive sakhe, loko lokulifa lakhe kwaba sinengiso kuye.

Tihlabelelo 135:4

Ngobe Simakadze utikhetsele Jakobe kutsi abe wakhe, ukhetse Israyeli kutsi abe lifa lakhe.

Tihlabelelo 33:12

Sibusisiwe leso sive lesiNkulunkulu waso kunguSimakadze, sive latikhetsele sona kutsi sibe lifa lakhe.

Tihlabelelo 68:16

Wena ntsaba leneticongo letinyenti, uyibukelani ngeliso lelibi lemona, lentsaba lekhetfwe nguNkulunkulu, watsandza kutsi ibe likhaya lakhe? Simakadze uyawuhlala kulo kuze kube phakadze.

Tihlabelelo 77:15

Wasihlenga ngengalo yakho sive sakho lesasibatukulu baJakobe naJosefa. Cabanga.

Tihlabelelo 9:11

Dvumisani Simakadze lohlala eSiyoni! Tjelani tive ngetento takhe!

Tihlabelelo 9:12

Yena ungumenaneli kulabacitsa ingati, uyabakhumbula labahluphekile, akakukhohlwa kukhala kwalabasenhluphekweni.

Tihlabelelo 94:14

Ngobe Simakadze angeke asilahle sive sakhe, angeke alishiye lifa lakhe.

Eksodusi 15:13

“Sive sakho losisindzisile uyawusihola ngemusa; yebo, uyawusicondzisa ngemandla akho, usimikise endzaweni yakho lengcwele.

Eksodusi 15:16

behlelwe kutfutfumela neluvalo. Ngenca yamandla emkhono wakho, bayawutfomeka, banganyakati nakancane; kuze kwendlule sive sakho, yebo, kuze kwendlule sive sakho, lowasitsenga ebugcilini, Simakadze.

Isaya 51:11

Labahlawulelwe baSimakadze bayawubuya. Bayawungena eSiyoni ngekuhlabela nangekujabula kwaphakadze lokuyawuba ngumchele etinhloko tabo. Kutfokota nekujabula kuyawuba kubo, lusizi nekububula kubabalekele.

Isaya 62:12

Bayawubitwa ngekutsi Sive Lesingcwele, Labahlengiwe baSimakadze. Wena uyawubitwa ngekutsi unguLofuniwe, Lidolobha Lelingakalahlwa.

Isaya 62:6

Ngibeke balindzi etibondzeni takho, Jerusalema, bangeke bathule imini nebusuku. Nine lenibita Simakadze, ningatiniki kuphumula,

Isaya 63:17

Awu Simakadze, usivumelelani kutsi seduke etindleleni takho, utenteleni kutsi tibe lukhuni tinhlitiyo tetfu, kuze singetikuhlonipha wena? Mane ubuye ngenca yetinceku takho, tive letilifa lakho.

Isaya 63:9

Kuko konkhe kukhatsateka kwabo naye abekhatsatekile, ingilosi yebukhona bakhe yabasindzisa, ngelutsandvo lwakhe nangemusa wakhe wabahlenga. Wabatsatsa wabetfwala kuwo onkhe emalanga akadzeni.

Jeremiya 10:16

Lowo Losabelo sakaJakobe akafanani naleti, ngobe yena unguMenti wato tonkhe tintfo, wamenta na-Israyeli, sive lesilifa lakhe, nguSimakadze Somandla libito lakhe.

Jeremiya 51:19

Lowo Losabelo sakaJakobe akafanani naleti, ngobe yena unguMenti wato tonkhe tintfo, ngisho newesive lesilifa lakhe. Libito lakhe nguSimakadze longuSomandla.

Imisebenti yebaPhostoli 20:28

Ticapheleni nine kanye nemhlambi wonkhe lobekwe etandleni tenu nguMoya Longcwele, neluse libandla laNkulunkulu latitsengela lona ngengati yeNdvodzana yakhe.

Dutheronomi 32:9

Ngobe sabelo saSimakadze sive sakhe, Jakobe losabelo lesilifa lakhe.

Dutheronomi 4:20

Kodvwa nine, Simakadze wanikhipha eGibhithe, emlilweni lomkhulu loncibilikisa insimbi, kutsi nitekuba sive lesilifa lakhe, njengobe senaba ngilo nje.

Dutheronomi 9:26

Ngathandaza kuSimakadze ngatsi: ‘Hawu, Somandla, Simakadze, ungasibhubhisi sive sakho lesilifa lakho lowalihlenga ngemandla akho lamakhulu, wasikhipha eGibhithe ngesandla lesinemandla.

Dutheronomi 9:29

Empeleni basive sakho lesilifa lakho, lowalikhipha ngemandla akho lamakhulu nangengalo yakho leyelulekile.’ ”

kuThithusi 2:14

Yena watinikela ngenca yetfu, kuze atesihlenga ebubini bonkhe atingcwelisele sive lesisakhe, lesinenshisekelo kutsi sente imisebenti lemihle.

Sembulo 5:9

Kwahlatjelwa ingoma lensha, letsi: “Ufanele wena kuyitsatsa lencwadzi legocotiwe, ufanele futsi kuticatulula netimphawu tayo, yebo, ngobe wena wahlatjwa, ngengati yakho wahlawulela bantfu kuNkulunkulu. Labantfu bachamuka emindenini yonkhe, nasetilimini tonkhe, nasetiveni tonkhe, nasemaveni onkhe.