Tihlabelelo 73:24 - Siswati 1996 Bible

²⁴ uyawungihola ungicondzise ngeteluleko takho, ekugcineni uyawungikhatimulisa ebukhosini.

Tihlabelelo 73:24 Referencias Cruzadas

Tihlabelelo 16:7

Ngiyamdvumisa Simakadze lowangeluleka, nanembeza wami uyangiyala ebusuku.

Tihlabelelo 25:9

Labatfobekile ubaholela kulokulungile; labatfobekile ubafundzisa indlela yakhe.

Tihlabelelo 32:8

Simakadze utsi: “Mine ngiyawukufundzisa ngikukhombise indlela lofanele kuhamba ngayo, ngikweluleke, liso lami lingesuki kuwe.

Tihlabelelo 48:14

kutsi loNkulunkulu unguNkulunkulu wetfu phakadze naphakadze; uyawusihola ngisho nasekufeni.

Tihlabelelo 49:15

Kodvwa, Nkulunkulu, umphefumulo wami uyakuwuhlenga emandleni ekufa ngobe uyawungemukela. Cabanga.

Tihlabelelo 84:11

Ngobe Simakadze, Nkulunkulu ulilanga letfu nesihlangu sekusivikela. Simakadze usipha umusa asente sihlonipheke. Angeke abagodlele lutfo loluhle labo labahamba ngebucotfo embikwakhe.

Taga 8:20

Ngihamba endleleni yekulunga, yebo, emikhondvweni yebumsulwa.

Isaya 30:21

Nome nijikela ngesekudla nome ngesancele, tindlebe tenu tiyakuva livi emvakwenu litsi: “Nansi indlela, hambani ngayo.”

Isaya 48:17

Naku lokushiwo nguSimakadze, uMhlengi wenu, Longcwele waka-Israyeli, utsi: “NginguSimakadze Nkulunkulu wenu, longuyena anifundzisa kutsi ngukuphi lokuncono kunako konkhe kini, lonilayela indlela lekufanele nihambe ngayo.

Isaya 58:11

Simakadze uyawukuhola njalo, uyakwenetisa tidzingo takho, eveni lapho libalele likhipha inhlanti emantini, uyakucinisa ematsambo akho. Uyawuba njengengadze leniseleke kahle, nanjengemtfombo lapho emanti akhona angomi.

Isaya 58:8

Ngulapho-ke kukhanya kwakho kuyawugcama njengekukhanya kwekusa, nekuphiliswa kwakho kuyawuvela masinyane, kulunga kwakho-ke kuyawube sekukuhambela embili. Bukhosi baSimakadze buyawuba sivikelo sakho lesingemuva kwakho.

Numeri 9:22

Kwakutsi lelifu nalihleti etikwalelithende lekukhontela emalanga lamabili nome inyanga nome umnyaka, ema-Israyeli abechubeka kuhlala lapho, angatfutsi; kodvwa lalitsi lingaphakama, nawo vele atfutse.

Lukha 11:13

Nome ningakalungi kodvwa niyakwati kupha bantfwabenu tintfo letinhle, kakhulu kangakanani-ke, Babe losezulwini uyawubanika Moya Longcwele labo labamcelako.”

Lukha 23:46

Jesu wakhala ngelivi lelikhulu watsi: “Babe! Ngibeka umoya wami etandleni takho!” Wakusho loko wase uyafa.

Johane 14:3

Nase ngiyile nganilungisela indzawo, ngiyawubuya nginilandze, nite kimi, kuze kutsi lapho ngikhona nibe khona nani.

Johane 16:13

Kodvwa Moya weliciniso nakefika, uyawuniholela kulo lonkhe liciniso. Angeke atikhulumele kwakhe, kodvwa uyawukhuluma lakuvako, anitjele nangetintfo letisetakwenteka.

Johane 17:24

“Babe, ngifisa kutsi labo longiphe bona nabo babe khona lapho nami ngikhona, kuze batewubona inkhatimulo yami lowangipha yona, ngobe wangitsandza, umhlaba ungakasekelwa.

Johane 17:5

Manje-ke, Babe, ngikhatimulise kuwe ngaleyo nkhatimulo lenganginayo ngisenawe, umhlaba ungakasekelwa.

Imisebenti yebaPhostoli 7:59

Basachubeka bamgcoba ngematje Stefano, wakhala ngelivi lelikhulu watsi: “Nkhosi Jesu, yemukela umoya wami.”

2 kubaseKorinthe 5:1

Ngobe siyati kutsi nangabe lifutwa lelidlangala lelingumtimba wetfu walapha emhlabeni, sinesakhiwo saNkulunkulu ezulwini, indlu yaphakadze lengakakhiwa ngetandla.

Dutheronomi 18:2

Bayawubate lifa emkhatsini wabomnakabo; Simakadze nguyena alifa labo, njengobe abetsembisa.

YaJakobe 1:5

Nangabe emkhatsini wenu kukhona loswele kuhlakanipha, akacele kuNkulunkulu lonika bonkhe bantfu ngekwephana lokungenakufehla, utawuphiwa.