Tihlabelelo 71:5 - Siswati 1996 Bible

⁵ Ngobe nguwe, Simakadze, lolitsemba lami, Simakadze ulitsemba lami, kwasebusheni bami.

Tihlabelelo 71:5 Referencias Cruzadas

1 Emakhosi 18:12

Angati kutsi Moya waSimakadze utakwetfwala akuyisephi, mine nangisuka lapha kuwe. Nangingahamba ngiyewutjela Ahabi, afike lapho angasakukhandzi, utangibulala. Noko mine, nceku yakho, Simakadze ngimkhonte kusukela ebusheni bami.

2 Tikhronike 34:3

Kwatsi ngemnyaka wesiphohlongo wekubusa kwakhe, asesemncane impela, wacala wafunisisa Nkulunkulu weyisemkhulu Davide. Kwatsi ngemnyaka weli-12 wacala kuhlambulula lakaJuda nelaseJerusalema, wesusa tonkhe tindzawo letiphakeme tekukhontela tithico, netinsika ta-Ashera, netithico letibatiwe, netitfombe letibunjiwe.

Tihlabelelo 119:166

Yebo, Simakadze, ngetsemba insindziso yakho, ngiyayenta imiyalo yakho.

Tihlabelelo 119:81

Umphefumulo wami ulambele insindziso yakho, litsemba lami ngilibeke evini lakho.

Tihlabelelo 13:5

Kepha mine ngetsembele emseni wakho; inhlitiyo yami iyawujabula ngensindziso yakho.

Tihlabelelo 39:7

Manje-ke, Nkhosi, ngisalindzeleni? Litsemba lami likuwe.

Tihlabelelo 42:11

Mphefumulo wami, udzabukeleni? Uvungamelani ngekhatsi kwami? Mani kuNkulunkulu, ngobe ngisetawumdvumisa uMsindzisi wami naNkulunkulu wami.

Tihlabelelo 71:17

Yebo, Nkulunkulu, wangifundzisa kusukela ebusheni bami, kuze kube ngunyalo ngisayimemetela imisebenti yakho lemangalisako.

Umshumayeli 12:1

Khumbula uMdali wakho etinsukwini tebusha bakho, tinsuku tekuhlupheka tisengakefiki, neminyaka isengakasondzeli lapho uyawusho ngayo utsi: “Kuphila angisakujabuleli.”

Jeremiya 14:8

Awu, Tsemba la-Israyeli, Msindzisi wakhe ngetikhatsi telusizi, wentelani kuba njengemfokati eveni, nanjengesihambi lesihlala busuku bunye nje?

Jeremiya 17:13

Awu, Simakadze, tsemba lema-Israyeli, bonkhe labakushiyako bayawuhlazeka. Labo labakufulatselako bayawubhalwa elutfulini, ngobe bamshiyile Simakadze, umtfombo wemanti laphilako.

Jeremiya 17:17

Ungabi silwane kimi, ngobe usiphephelo sami ngelilanga lesehlakalo.

Jeremiya 17:7

“Kodvwa ubusisiwe umuntfu lowetsembela kuSimakadze, lotsemba lakhe linguSimakadze.

Jeremiya 50:7

Bonkhe lababatfola babadla, titsa tabo tatsi: ‘Site tsine licala, ngobe bona kuSimakadze labelidlelo labo sibili, Simakadze, litsemba laboyisemkhulu.’

Lukha 2:40

Umntfwana wakhula waba nemandla; wagcwala inhlakanipho; umusa netibusiso taNkulunkulu tabasetikwakhe.

KubaseRoma 15:13

Shangatsi Nkulunkulu, longumtfombo welitsemba, anganigcwalisa ngako konkhe kujabula nekuthula ekukholweni, kuze niphuphume etsembeni ngemandla aMoya Longcwele.

2 kuThimothi 3:15

nekutsi kusukela ebuntfwaneni bakho wayati imiBhalo lengcwele lenemandla ekuhlakaniphisa kube kusindziswa ngekukholwa nguKhristu Jesu.

1 Samuweli 16:13

Ngako Samuweli watsatsa luphondvo lwakhe lwemafutsa wamgcoba ebaleni embikwabomnakabo. Kusukela ngalelo langa Moya waSimakadze wehlela etikwaDavide ngemandla lamakhulu. Samuweli wesuka lapho waya eRama.