Tihlabelelo 71:3 - Siswati 1996 Bible

³ Bani lidvwala lesiphephelo kimi, lengingaphephela kulo nome nini, wena lowayala kutsi ngisindziswe, ngobe nguwe lidvwala lami nesiphephelo sami.

Tihlabelelo 71:3 Referencias Cruzadas

Tihlabelelo 144:2

UnguNkulunkulu wami lowetsembekile nenqaba yami lengibalekela kuyo, usiphephelo sami nemkhululi wami, usihlangu sami lengiphephela kuso. Wenta tive tikhotsame kimi.

Tihlabelelo 18:2

Simakadze, ulidvwala lami, nenqaba yami, neMkhululi wami. Nkulunkulu wami, ulidvwala lami lengiphephela kulo. Usihlangu sami sekungivikela nemandla ensindziso yami. Yena ungumgedze wami wekubhaca.

Tihlabelelo 18:3

Ngikhala kuSimakadze, bese uyangephula etitseni tami. Akadvunyiswe Simakadze!

Tihlabelelo 42:8

Shangatsi Simakadze angakhombisa umusa wakhe kimi emini, kuze kutsi ebusuku ngihlabele ngimdvumise, ngikhuleke kuNkulunkulu wekuphila kwami.

Tihlabelelo 44:4

Yebo, Nkulunkulu, wena uyiNkhosi yami, yelekelela bakaJakobe ubente bancobe.

Tihlabelelo 68:28

Veta emandla akho, Nkulunkulu! Sibonise emandla akho, Nkulunkulu, lawo mandla lowawabonakalisa kitsi

Tihlabelelo 89:27

Ngiyawumenta abe litubulo, abe yinkhosi lephakeme kunemakhosi emhlaba.

Tihlabelelo 90:1

Yebo, Simakadze! Wena ube siphephelo setfu etitukulwaneni nasetitukulwaneni.

Tihlabelelo 91:9

Ngobe wena Simakadze umente waba siphephelo sakho, Losetikwako Konkhe umente inqaba yakho.

Taga 18:10

Libito laSimakadze liyinqaba lecinile, lapho kungabalekela khona bantfu labalungile basindze.

Isaya 33:16

Ngulowo-ke umuntfu lotawuhlala ekuphakameni, losiphephelo sakhe kutawuba yinqaba yemadvwala. Uyakunikwa sinkhwa sakhe, angawesweli emanti ekunatsa.

Hezekeli 9:6

Bulalani nicedze emadvodza lamadzala, nemajaha, netintfombi, nebafati, nebantfwana, kodvwa ningatsintsi namunye loneluphawu. Calani endlini yami lengcwele.” Ngako bacala ngebaholi lababesembikwelithempeli.

Dutheronomi 33:27

Nkulunkulu waphakadze siphephelo sakho, ngaphansi ngimikhono yaphakadze. Uyawucosha titsa takho embikwakho, akhulume atsi: ‘Tibhubhise!’