Tihlabelelo 71:15 - Siswati 1996 Bible

¹⁵ Umlomo wami uyawulandza ngekulunga kwakho, uvakalise insindziso yakho onkhe emalanga, ngobe yinyenti ngehluleka nekuyikala.

Tihlabelelo 71:15 Referencias Cruzadas

1 Tikhronike 16:23

“Hlabelani kuSimakadze, mhlaba wonkhe, memetelani insindziso yakhe imihla ngemihla.

Tihlabelelo 145:2

Ngiyawukubabata onkhe emalanga, ngidvumise libito lakho phakadze naphakadze.

Tihlabelelo 30:12

Ngako-ke umphefumulo wami uyawukudvumisa ungabindzi. Yebo, Simakadze, Nkulunkulu wami, ngiyawukudvumisa phakadze naphakadze.

Tihlabelelo 35:28

Ngako lulwimi lwami luyakhuluma, lumemetele ngekulunga kwakho, lukudvumise onkhe emalanga.

Tihlabelelo 40:12

Ngitungeletwe tinhlupheko letinyenti, licala lekona lingigabhe kangangekutsi angisaboni nekubona. Letinhlupheko tinyenti tendlula tinwele tenhloko yami, sengilahlekelwe litsemba.

Tihlabelelo 40:5

Yebo, Simakadze, Nkulunkulu wami, timangaliso losentele tona tinyenti, tingeke tibalwe, wasikhumbula tikhatsi letinyenti. Kute nome munye nje lofana nawe! Kube bengingatilandzisa tonkhe betingeke tibaleke tonkhe.

Tihlabelelo 40:6

Awujatjuliswa ngumhlatjelo nemnikelo, kodvwa ujatjuliswa kusebentisa tindlebe longiphe tona. Awuzange sewusho kutsi ufuna umhlatjelo loshiswa samuku, nome umnikelo wekuhlawulela sono.

Tihlabelelo 51:16

Ngobe futsi ungeke weneliswe yimihlatjelo, nome bengingakunika yona, ngisho nemhlatjelo wekushiswa wonkhe ungeke ukhone kukujabulisa.

Tihlabelelo 71:24

Lulwimi lwami luyawukhuluma ngekulunga kwakho lonkhe lilanga. Ngobe labo bebafuna kungilimata bahlazekile bajabhiswa.

Tihlabelelo 71:8

Umlomo wami uyawugcwala kukubonga, ngimemetele bukhosi bakho imihla ngemihla.

Tihlabelelo 73:28

Kodvwa mine kungilungele kusondzela kuNkulunkulu, Simakadze, iNkhosi, ngimente waba siphephelo sami, kuze ngishumayele ngako konkhe lakwentile.

Tihlabelelo 89:16

Lesive sijabula njalo nje egameni lakho, siphakanyiswe ngenca yekulunga kwakho.

Taga 5:2

Khona-ke uyawukwati kukhetsa lokufanele, netindzebe temlomo wakho tilulondvolote lwati.

Tikhulu 5:11

Lalelani emaphimbo ebahlabeleli emitfonjeni. Babonga bagambute ngetento letilungile taSimakadze, tento letilungile temabutfo akhe aka-Israyeli. Sive saSimakadze sehla, sehlela emasangweni elidolobha.