Tihlabelelo 71:13 - Siswati 1996 Bible

¹³ Shangatsi labo labafuna kuphila kwami bangadliwa ngemahloni babhubhe; shangatsi bangasibekelwa bubi nelihlazo labo labacondze kungilimata.

Tihlabelelo 71:13 Referencias Cruzadas

Esta 9:2

EmaJuda abutsana ndzawonye etidzidzini tawo letatisemadolobheni kuto tonkhe tifundza tenkhosi Ahashiveroshi, entela kutsi ativikele kulabo lababengahle bawahlasele. Kwabate umuntfu lowaba nemandla ekuwahlasela, ngobe bonkhe bantfu baletinye tive bese bawesaba kakhulu.

Tihlabelelo 109:29

Shangatsi labangimangalelako bangahlazeka, shangatsi emahloni angabambonya njengengubo.

Tihlabelelo 132:18

Titsa takhe ngiyawutembesa ngelihlazo, kodvwa umbuso wakhe uyawuphumelela uchume.”

Tihlabelelo 35:26

Bonkhe labatsakasela kuhlupheka kwami abahlazeke, badliwe ngemahloni, abembatsiswe emahloni nelihlazo labo labangicoloshelako.

Tihlabelelo 35:4

Shangatsi bangajabha, bahlazeke, labo labafuna umphefumulo wami; shangatsi bangahlakateka labo labacondze kungicitsa.

Tihlabelelo 6:10

Tonkhe titsa tami tiyawuhlazeka titfutfumele kakhulu, tidliwe ngemahloni, tibaleke masinyane.

Tihlabelelo 70:3

Labo labangicoloshelako batsi: “Walayeka!” Shangatsi bangancandvwa ngemahloni.

Tihlabelelo 71:24

Lulwimi lwami luyawukhuluma ngekulunga kwakho lonkhe lilanga. Ngobe labo bebafuna kungilimata bahlazekile bajabhiswa.

Isaya 41:11

“Bonkhe labakubhavumulelako, impela, bayakudliwa ngemahloni, bahlazeke; labo labemelene nawe bayawuba lite, babhubhe baphele.

Jeremiya 20:11

Kodvwa Simakadze ume ngakimi njengelichawe lemphi lelinemandla; ngako-ke bahluphi bami bayawukhubatela, ngeke baphumelele. Batakwehluleka batseleke ngalelikhulu lihlazo, badliwe ngemahloni langayiwuphindze akhohlakale.

1 yaPhetro 5:5

Nani-ke, labasha, batfobeleni babonisi. Nonkhe yembatsani kutfobeka, nitfobelane, ngobe: “Nkulunkulu umelana nalabatigcabhako, kodvwa labatfobekile ubapha umusa.”