Tihlabelelo 71:11 - Siswati 1996 Bible

¹¹ batsi: “Nkulunkulu umlahlile, asimtingele size simbambe, ngobe kute longaphindze amsindzise.”

Tihlabelelo 71:11 Referencias Cruzadas

Tihlabelelo 3:2

Banyenti lese bafakana imilomo ngami, batsi: “Nkulunkulu angeke amsindzise.” Cabanga.

Tihlabelelo 37:25

Bengingumntfwana, manje sengimdzala, angizange sengimbone lolungile alahliwe, ngisho nebantfwabakhe abahambi bacela kudla.

Tihlabelelo 37:28

Ngobe Simakadze uyakutsandza kwenta tintfo ngendlela lefanele, angeke abayekelele labangcwele bakhe. Labalungile bayawulondvoloteka phakadze naphakadze; kodvwa bantfwana balomubi bayawushabalaliswa.

Tihlabelelo 42:10

Shangatsi kufohloteka ematsambo ami titsa natingihheletela lilanga lonkhe, titsi: “Kantsi uphi loNkulunkulu wakho?”

Tihlabelelo 50:22

“Caphelani loku nine lenedzelela Nkulunkulu, funa nginiklebhuklebhule, kubete nalongahle aniphephise.

Tihlabelelo 7:2

kuze umphefumulo wami bangawudzabudzabuli njengelibhubesi lelidzabudzabula kubete nalolamulako.

Danyela 3:15

Manje, naniva umsindvo wempalampala, newemntjingozi, newezitha, newelire, newehabhu, newetimveve, newato tonkhe tinhlobo tekuhlabela, nase nilungele kuwa nikhotsame kulesithico segolide lengisimisile, kulungile. Kodvwa naningasikhotsameli, nitawujikijelwa ngekushesha lokukhulu ekhatsi kulamalangabi emlilo lowesabekako nalohhumako. Ngumuphi-ke lowo nkulunkulu lotaba nemandla ekunephula esandleni sami?”

Matewu 27:46

Kwatsi ngensimbi yesitsatfu entsambama Jesu wakhala kakhulu watsi: “Eli, Eli, lama sabakthani?” lokusho kutsi: “Nkulunkulu wami, Nkulunkulu wami, ungishiyeleni?”

Matewu 27:49

Kodvwa labanye batsi: “Ase nimyekele, sibone kutsi lo-Elija utawufika yini atemsindzisa!”

1 Samuweli 23:7

Sawula watjelwa kutsi Davide sewehlele eKheyila; ngako watsi: “Simakadze sewumnikele esandleni sami, ngobe Davide sewutivalele yena enkambu ngekutsi angene edolobheni lelinemasango lanemishudvo.”