Tihlabelelo 70:4 - Siswati 1996 Bible

⁴ Bonkhe labafuna wena abajabule batfokote kuwe! Nalabo labatsandza insindziso yakho abasho njalonjalo batsi: “Mkhulu Nkulunkulu!”

Tihlabelelo 70:4 Referencias Cruzadas

Tihlabelelo 35:27

Labo labatsakasele kutsi ngimsulwa abamemete ngekujabula batfokote, njalonjalo, batsi: “Akadvunyiswe Simakadze, lojabulela inhlalakahle yenceku yakhe!”

Tihlabelelo 40:16

Abatfokote bajabule kuwe, bonkhe labakufunako, labatsandza insindziso yakho basho njalo batsi: “Akudvunyiswe Simakadze!”

Tihlabelelo 5:11

Kepha abajabule bonkhe lababalekele kuwe, abahlabele ngenjabulo kuze kube phakadze. Babiyele labo labakutsandzako, kuze badvumise libito lakho.

Tihlabelelo 97:12

Tfokotani nijabule nine lenilungile, bongani libito lakhe lelingcwele.

Isaya 61:10

Ngiyajabula kakhulu ngaSimakadze; umphefumulo wami uyajabula ngaNkulunkulu wami. Ngobe ungembatsise ngetingubo tensindziso, wangihlobisa ngemjiva wekulunga, njengemyeni ahlobisa inhloko yakhe njengemphristi, nanjengamakoti lotihlobise ngebuhlalu bakhe.

Sililo 3:25

Simakadze ulungile kulaba lababeke litsemba labo kuye, kulaba labamfunisisako.

Johane 16:20

Ngicinisile, ngicinisile, ngitsi kini: Nitawukhala, nilile, kodvwa live litawujabula. Niyawuba nelusizi, noko lusizi lwenu luyawugucuka lube yinjabulo.