Tihlabelelo 7:17 - Siswati 1996 Bible

¹⁷ Simakadze ngiyawumbonga ngekulunga kwakhe, ngihlabelele ngekudvumisa libito laSimakadze Losetikwako Konkhe.

Tihlabelelo 7:17 Referencias Cruzadas

2 Samuweli 3:29

Shangatsi licala lengati yakhe lingaba setikwenhloko yaJowabe kanye nendlu yeyise! Shangatsi indlu yaJowabe ingete yahlala ingenaye umuntfu lonesilondza lesincincako nome lonalokusabulephelo, nome lohamba ngetimboko, nome lobulawa ngenkemba, nome loswele kudla.”

1 Emakhosi 2:32

Simakadze utamkhokhisa lengati layicitsa; ngaphandle kwemvume yababe Davide, wabulala emadvodza lamabili ngenkemba. Bobabili, bo-Abneri, umsa waNeri, indvuna yemphi yaka-Israyeli, na-Amasa, umsa waJetheri, indvuna yemphi yakaJuda, babencono, bacotfo kakhulu kunaye.

Esta 9:25

Kodvwa Esta waya enkhosini, inkhosi yakhipha umtsetfo lowawubhalwe phansi, lekwatsi umphumela wawo Hamani nemadvodzana akhe wavuna labekuhlanyelele emaJuda, yena nemadvodzana akhe balengiswa entsanjeni benekelwa live.

Tihlabelelo 111:3

Imisebenti yakhe inebukhosi neludvumo, nekulunga kwakhe kume ingunaphakadze.

Tihlabelelo 140:10

Shangatsi emalahle labovu lavutsako angatfululelwa etikwabo, bajikijelwe emgodzini loshonako, bangaphindzi baphume.

Tihlabelelo 145:7

Bayawubalisa ngeludvumo lwakho, nangebukhulu betento takho letinhle, bahlabele ngekulunga kwakho.

Tihlabelelo 35:28

Ngako lulwimi lwami luyakhuluma, lumemetele ngekulunga kwakho, lukudvumise onkhe emalanga.

Tihlabelelo 51:14

Hhawu, Nkulunkulu, ngikhulule ecaleni lengati, Nkulunkulu wensindziso yami, khona lulwimi lwami luyawuhlabela kulunga kwakho.

Tihlabelelo 9:2

Ngiyawujabula ngitfokote kuwe ngidvumise libito lakho, wena Losetikwako Konkhe.

Tihlabelelo 92:1

Kuhle kubonga wena, Simakadze, nekuhlabelela egameni lakho, wena Losetikwako Konkhe,

Tihlabelelo 92:8

Kodvwa wena, Simakadze, uphakeme phakadze naphakadze.

Tihlabelelo 98:2

Simakadze uyente yatiwa insindziso yakhe, kulunga kwakhe ukwembulile emehlweni ebetive.

Danyela 4:17

“ ‘Sincumo simenyetelwa titfunywa; labangcwele bamemetela sigwebo, kuze kutsi labaphilako bati kutsi Longetulu Kwako Konkhe wengamele yonkhe imibuso yebantfu, futsi uyinika nome ngubani latsandza kumupha yona, bese ubeka etikwayo labo labatfobeke kakhulu kunabo bonkhe bantfu.’

Danyela 4:25

Utawucoshwa emkhatsini webantfu, uhlale netilwane tesiganga; utawudla tjani njengetinkhomo, unetfwe ngematolo asezulwini. Kutakwendlula tikhatsi letisikhombisa kuwe, uze uvume kutsi Longetulu Kwako Konkhe wengamele imibuso yonkhe yebantfu, uyinika nome ngubani lowo latsandza kumupha yona.

Danyela 4:34

“Ekugcineni kwaleso sikhatsi mine, Nebukhadnezari, ngaphakamisela emehlo ami ngabheka ngasezulwini, kukhanyelwa kwengcondvo yami kwabuyiselwa kimi. Ngabe sengidvumisa Longetulu Kwako Konkhe. Ngamhlonipha ngamdvumisa lowo lophila kuze kube phakadze. “Umbuso wakhe ungumbuso waphakadze; bukhosi bakhe buyawuhlala bumile titukulwane ngetitukulwane.

Imisebenti yebaPhostoli 7:48

Kodvwa loNkulunkulu Losetikwako Konkhe akahlali etindlini letakhiwe ngetandla, njengekusho kwemphrofethi lotsi:

Tikhulu 9:24

Nkulunkulu wakwenta loku kuze kutsi licala lekubulawa kwemadvodzana aJerubhali labengema-70, nekucitseka kwengati yabo, kuphindziselwe kumnakabo labengu-Abimeleki kanye nakuto takhamiti taseShekhemu, letatingutona tamsita nakabulala bomnakabo.

Tikhulu 9:57

Nkulunkulu wawajezisa nalamadvodza aseShekhemu ngalobo bubi bawo. Sicalekiso lesakhulunywa nguJothamu, umsa waJerubhali, sagcina sibehlele.