Tihlabelelo 69:27 - Siswati 1996 Bible

²⁷ bengetele sijeziso etikwekona kwabo, ungabavumeli kutsi bangene ekulungeni kwakho.

Tihlabelelo 69:27 Referencias Cruzadas

Nehemiya 4:5

Ungacali ulimbonye licala labo, futsi ungatesuli tono tabo embikwakho, ngobe bajikijele labakhi ngetinhlamba emehlweni.”

Jobe 19:22

Ningishophelani, nani nilingise Nkulunkulu lolibele kucoshana nami? Anisenakweneliseka yini kani ngalokubola kwesikhumba semtimba wami?

Tihlabelelo 109:14

Shangatsi Simakadze angakhumbula bubi baboyise, nesono senina singete sesulwa.

Tihlabelelo 24:5

Simakadze uyawumbusisa, yebo, Nkulunkulu wensindziso uyawumenta abe msulwa.

Tihlabelelo 81:12

Ngako-ke ngabayekelela enkhanini yetinhlitiyo tabo, kuze batihambele ngekutsandza kwabo.

Eksodusi 8:15

Kodvwa Faro watsi kube abone kutsi tigogodvolo setifile, wenta inhlitiyo yakhe yaba lukhuni, njengobe abevele ashito Simakadze. Faro akazange abalalele boMosi na-Aroni kutsi batsini.

Eksodusi 8:32

Kodvwa Faro waphindze wenta inhlitiyo yakhe yaba lukhuni, wangete wabavumela kutsi bahambe.

Eksodusi 9:12

Kodvwa Simakadze wenta inhlitiyo yaFaro yaba lukhuni, akazange afune kubalalela; kwaya njengobe Simakadze abetjele Mosi.

Isaya 26:10

Naloku umusa sewuphiwe lababi, bona solo abakufundzi kulunga; ngisho naseveni lebucotfo bachubeka benta lokubi, bangabunaki bukhosi baSimakadze.

Isaya 5:6

Ngitawusenta sibe siganga lesingenalutfo, nemvini longatsenwa, nemhlaba waso awuyikulinywa. Kuyawukwena tinchachabutane nemanyeva. Ngitawuyala nemafu kutsi anganisi imvula kuso.”

Isaya 53:4

Impela yabetfwala butsakatsaka betfu, yatetjatsa netinhlungu tetfu, noko tsine sayitsatsa ngekutsi ishaywe nguNkulunkulu, yamukulwa nguye, yahlushwa.

Levithikusi 26:39

Labo benu labayawube basasele bangakafi eveni letitsa tabo, bayawukondza babe tincotfo ngenca yetono tabo, nangenca yetono taboyise bayawukondza besabeke.

Matewu 21:19

Wabona umkhiwa lowawuwodvwa eceleni kwendlela, wenyukela kuwo, kodvwa akatfolanga lutfo kuwo ngaphandle kwemacembe. Ngako wase utsi kuwo: “Akungabe kusavela sitselo kuwe!” Ngekushesha umkhiwa wabuna.

KubaseRoma 1:28

Njengobe abafunanga kumati Nkulunkulu, ngako wababukelela, tingcondvo tabo taba butsakatsaka, netimilo tabo tonakala.

KubaseRoma 9:18

Ngako-ke, unemusa kulowo latsandza kuba nemusa kuye, kodvwa amente abe lukhuni lowo latsandza kumenta abe lukhuni.

KubaseRoma 9:31

Kepha baka-Israyeli lababetihlupha bafuna kulunga ngekwenta lokufunwa ngumtsetfo, noko abazange bakhone kuwugcina umtsetfo.

2 kuThimothi 4:14

Alekzanda, umkhandzi welitfusi, wenta tintfo letinyenti letimbi kimi, iNkhosi iyawungenanela kuye.