Tihlabelelo 68:6 - Siswati 1996 Bible

⁶ Nkulunkulu upha imihambima emakhaya lapho ingahlala khona, lababoshiwe abaholele ekubuseni, kodvwa labaphika inkhani ubahlalisa ehlane.

Tihlabelelo 68:6 Referencias Cruzadas

Tihlabelelo 10:14

Kantsi wena uyabona, ngobe tinhlupheko netinsizi uyakunaka, kuze ukufumbatse ngetandla takho. Lohluphekile utinikela kuwe, ngobe wena ungumsiti wetintsandzane.

Tihlabelelo 107:10

Labanye babehleti ebumnyameni nasetfuntini lekufa, baboshwe tinsizi netinketane,

Tihlabelelo 107:14

Wabakhipha kulobo bumnyama nakulelo tfunti lekufa, wajuba tibopho letatibabophile.

Tihlabelelo 107:34

live lelivundzile laba lugagadvu ngenca yebubi betakhamiti talo.

Tihlabelelo 113:9

Inyumba uyipha umuti wayo, ayente ijabule ibe ngunina webantfwana. Haleluya, dvumisani Simakadze!

Tihlabelelo 146:7

Labacindzetelwe yena uyabemelela, abaphe kudla labalambile. Simakadze ukhulula tiboshwa,

Tihlabelelo 69:33

Simakadze uyabeva labamphofu, lababoshiwe bakhe akabadzeli.

Taga 23:11

UMvikeli wato unemandla, uyakutitsatsela sikhundla emelane nawe.

Isaya 61:1

Moya weNkhosi Simakadze ukimi, ngobe Simakadze ungigcobile, kutsi ngishumayele tindzaba letimnandzi kulabamphofu. Ungitfume kutsi ngitewubopha labo labatinhlitiyo tabo tidzabukile. Ungitfume kutawumemetela kukhululwa kulabatfunjiwe, nekukhululwa kulababoshiwe.

Hoseya 2:3

Ngaphandle kwaloko ngitamhlubula abe ngcunu, ngimente abe ngcunu njengamhlazane atalwa; ngitawumenta abe njengelihlane, ngimgucule abe live leligagadzekile, afe ngekoma.

Malakhi 1:3

kodvwa Esawu ngamtondza. Ngagucula tintsaba takhe taba lugwadvule, lifa lakhe ngalishiyela timphungutja tasehlane.”

Imisebenti yebaPhostoli 16:26

Masinyane kwaba khona kutamatama kwemhlaba lokukhulu, lokwatamatamisa tisekelo telijele. Khonapho yonkhe iminyango yavuleka, tinketane tato tonkhe tiboshwa tadzilika.

KubaseGalathiya 4:27

Ngobe kubhaliwe kutsi: “Jabula, wena mfati loyinyumba, longatalanga mntfwana, jabula, nome ungahelwanga; ngobe lomfati losaliwakati unebantfwana labanyenti kunemfati loyintsandvokati.”

Dutheronomi 10:18

Uyabavikela labo labatintsandzane nebafelokati; nesihambi uyasitsandza asiphe kudla nekwekwembatsa.

1 Samuweli 2:5

Labo lababesutsa sebaticashisela kudla, kodvwa labo labebalambile abasalambi. Lowo labeyinyumba sewutele bantfwana labasikhombisa, kodvwa lowo labenebantfwana labanyenti sewuyandzindza.