Tihlabelelo 68:5 - Siswati 1996 Bible

⁵ Nguye uyise wetintsandzane, nemlondvoloti webafelokati, unguNkulunkulu losendzaweni yakhe lengcwele.

Tihlabelelo 68:5 Referencias Cruzadas

2 Tikhronike 30:27

Baphristi nemaLevi bema babusisa sonkhe sive, naNkulunkulu wabeva, ngobe umthandazo wabo wafinyelela ezulwini, endzaweni yakhe lengcwele lahlala kuyo.

2 Tikhronike 6:2

ngempela sengikwakhele lithempeli lelihle kakhulu, indzawo yakho lapho kutabohlala wena khona phakadze naphakadze.”

Tihlabelelo 10:14

Kantsi wena uyabona, ngobe tinhlupheko netinsizi uyakunaka, kuze ukufumbatse ngetandla takho. Lohluphekile utinikela kuwe, ngobe wena ungumsiti wetintsandzane.

Tihlabelelo 10:18

kuze tintsandzane nalabacindzetelwe babonelelwe ngekulunga. Kute umuntfu walomhlaba loyawuphindze abe yingoti.

Tihlabelelo 118:19

Ngivuleleni emasango ekulunga, kuze ngingene ngawo ngibonge Simakadze.

Tihlabelelo 146:9

Simakadze uyabalondvolota bafokati, uyabaphasa bafelokati netintsandzane, kodvwa indlela yalababi uyayibhubhisa.

Tihlabelelo 150:6

Konkhe lokuphilako akudvumise Simakadze. Haleluya, dvumisani Simakadze!

Tihlabelelo 33:14

Asesesihlalweni sakhe sebukhosi ubukisisa bonkhe labahleti emhlabeni;

Tihlabelelo 72:2

Shangatsi ingehlulela sive sakho ngekulunga, nalabamphofu ibaphatse ngebucotfo.

Tihlabelelo 72:4

Shangatsi ingabavikela bantfu labatimphofana, ikhulule labeswele, ipitjite bacindzeteli!

Eksodusi 3:15

Nkulunkulu waphindze watsi kuMosi: “Ubokhuluma kuma-Israyeli utsi: ‘Simakadze, Nkulunkulu wabokhokho benu, naNkulunkulu wabo-Abrahama, naNkulunkulu wa-Isaka, naNkulunkulu waJakobe, ungitfume kini.’ Leli-ke libito lami phakadze naphakadze, tonkhe titukulwane tiyawungibita kanjalo.

Isaya 1:23

Babusi benu babahlubuki, babangani bemasela; bonkhe batsandza imidizo, balandzelana netipho. Ababavikeli labo labate boyise; ngisho nendzaba yemfelokati abayinaki.

Isaya 12:4

Ngalelo langa niyawutsi: “Bongani Simakadze, nibite Libito lakhe; yatisani tive ngaloko lakwentile, nimemetele kutsi Libito lakhe liphakeme.

Isaya 57:15

Ngobe nguloko lokushiwo nguLophakeme Losetulu, lolibito lakhe linguLongcwele, utsi: “Ngihlala etulu endzaweni lengcwele, kodvwa nakuye lodzabukile nalotfobekile emoyeni, kutewuvuselela umoya walabatfobekile nekuvuselela tinhlitiyo talabephukile emoyeni.

Isaya 66:1

Naku lokushiwo nguSimakadze, utsi: “Lizulu lisihlalo sami sebukhosi, umhlaba usenabelo setinyawo tami. Iphi-ke lendlu leningangakhela yona? Itawuba kuphi-ke indzawo yami yekuphumula?

Jeremiya 49:11

Shiya tintsandzane takho, ngitativikela timphilo tato, nebafelokati bakho nabo bangetsembela kimi.”

Jeremiya 5:28

sebakhuluphele baze bamanyatela. Tento tabo letimbi atinamkhawulo, ababameleli labo labate boyise kutsi bangalahlwa licala, abawalweli nemalungelo alabamphofu.”

Hoseya 14:3

I-Asiriya ngeke isisindzise; singeke siwagibele emahhashi emphi. Singeke siphindze sisho futsi, sitsi: ‘Bonkulunkulu betfu’ kuloko lokwakhiwa tandla tetfu, ngobe kuwe wena wedvwa tintsandzane letite boyise titfola sihawu.”

Kubase-Efesu 5:1

Njengobe nibantfwana baNkulunkulu, futsi naye anitsandza, yetamani kutsi nibe njengaye.

Dutheronomi 10:18

Uyabavikela labo labatintsandzane nebafelokati; nesihambi uyasitsandza asiphe kudla nekwekwembatsa.

Dutheronomi 26:15

Buka phansi usezulwini endzaweni yakho yekuhlala lengcwele. Busisa sive sakho sema-Israyeli kanye nelive lowasipha lona, njengobe waletsembisa ngesifungo kubokhokho betfu, live leligcwele lubisi neluju lwetinyosi.’ ”