Tihlabelelo 68:4 - Siswati 1996 Bible

⁴ Hlabelani kuNkulunkulu, nidvumise libito lakhe. Nimlungiselele umgwaco, yena lodzabula ematsafa elugwadvule; nguSimakadze libito lakhe, nihlabele ngenjabulo embikwakhe!

Tihlabelelo 68:4 Referencias Cruzadas

Tihlabelelo 104:3

indlu yakho yebukhosi, uyakhe etikwemanti lasetulu. Emafu lamnyama lahlomile ayincola yakho, ugibele emaphiko emoya.

Tihlabelelo 16:11

Uyawungifundzisa indlela yekuphila. Lapho kukhona khona wena kunekujabula lokuphelele. Esandleni sakho sangesekudla kunekujabula phakadze naphakadze.

Tihlabelelo 18:10

Wagibela likherubhi, wandiza, wantjuza asetikwemaphiko emoya.

Tihlabelelo 5:12

Simakadze, nguwe lobusisa lolungile. Umfukamela ngemusa wakho, kube shangatsi kungelihawu.

Tihlabelelo 66:2

Hlabelelani nituse libito lakhe, nidvumise bukhosi bakhe.

Tihlabelelo 66:4

Bonkhe bantfu bemhlaba bayawukhuleka kuwe bakudvumise; bayawuhlabela badvumise libito lakho.” Cabanga.

Tihlabelelo 67:4

Tive atihlabele ngenjabulo, ngobe wehlulela tive ngebucotfo, uhole tonkhe tive temhlaba. Cabanga.

Tihlabelelo 68:33

Simakadze ugibela emazulu, wona lawo mazulu asendvulo. Yena uvakalisa liphimbo lelivi lakhe, lona liliphimbo lelinemandla.

Tihlabelelo 83:18

Shangatsi bangati kutsi nguwe wedvwa lolibito lakhe linguSimakadze, nguwe Losetikwako Konkhe, lophakeme abuse umhlaba wonkhe.

Tihlabelelo 97:11

Kukhanya kuhlanyelelwa labalungile, nekujabula kuhlanyelelwa labanetinhlitiyo letinhle.

Eksodusi 3:14

Nkulunkulu watsi kuMosi: “Nginguye Lenginguye. Nguloko loyawubatjela kona baka-Israyeli, utsi: ‘Nginguye ungitfumile.’ ”

Eksodusi 6:3

Ngabonakala ku-Abrahama, naku-Isaka, nakuJakobe kutsi nginguNkulunkulu Somandla, kodvwa angizange ngibatise lelibito lami lelingcwele, Simakadze.

Eksodusi 6:8

Ngitaningenisa eveni njengobe ngafunga ngekuphakamisa tandla kutsi ngitalinika bo-Abrahama, na-Isaka, naJakobe. Ngitanipha lona libe live lenu. NginguSimakadze.’ ”

Taga 10:28

Lokujabulisa bantfu labalungile nguloko labakwetsembako; kodvwa litsemba lalababi liyanyamalala.

Isaya 19:1

Livi lesembulo lelimacondzana nelive laseGibhithe: Buka la, Simakadze ugibela lifu leligijima kakhulu, ubange kulaseGibhithe. Tithico taseGibhithe tiyawutfutfumela embikwakhe, netinhlitiyo tebantfu baseGibhithe tiyancibilika ngekhatsi kwabo.

Isaya 40:3

Livi lalomemetako litsi: “Lungisani indlela yaSimakadze ehlane; yentani ucondze ekhatsi ehlane umgwaco lomkhulu waNkulunkulu wetfu.

Isaya 62:10

Phumani, phumani emasangweni! Lungiselelani bantfu umgwaco! Yakhani, yakhani umgwaco lomkhulu! Susani ematje. Phakamiselani tive siboniso sekuncoba, titesibona.

Dutheronomi 33:26

“Kute lonjengaNkulunkulu, Jeshuruni, logibela emazulu kuze atewusita wena, agibele nemafu ngebukhosi bakhe.