Tihlabelelo 68:31 - Siswati 1996 Bible

³¹ Emancusa ayawuvela eGibhithe, naKushe atinikele kuNkulunkulu.

Tihlabelelo 68:31 Referencias Cruzadas

1 Emakhosi 8:22

Solomoni wase uma embikwelilati laSimakadze, embikwaso sonkhe sive sema-Israyeli, waphakamisa tandla takhe watibhekisa ngasezulwini,

Tihlabelelo 143:6

Tandla tami ngitiphakamisela kuwe, umphefumulo wami womela wena njengemhlabatsi lowomele imvula. Cabanga.

Tihlabelelo 44:20

Kube bese silikhohliwe libito laNkulunkulu wetfu, safuna lusito kulabanye bonkulunkulu,

Tihlabelelo 88:9

Liso lami liyafa ngenca yelusizi, ngikhala kuwe, Simakadze, imini nebusuku ngiphakamisa tandla tami, ngikhuleka kuwe.

Isaya 45:14

Naku lokushiwo nguSimakadze, utsi: “Umkhicito waseGibhithe nalokuhwebiwe kwaseKushe, kanye nalawo maSeba, bantfu labadze, kuyawuta kuwe kube kwakho, Siyoni, bayawuhamba badzembuluka emvakwakho, bete kuwe baboshwe ngetinketane. Bayawukhotsama embikwakho bakuncenge, batsi: ‘Ngempela Nkulunkulu unani, futsi kute lomunye, kute lomunye Nkulunkulu.’ ”

Isaya 66:19

“Ngiyawubeka sibonakaliso emkhatsini wabo, bese ngitfumela labanye balabo labaphephile etiveni: eThashishi, nakumaLibhiya, nemaLudi, labadvume ngekuba banembi ngebutjoki, naseThubhali, naseGrisi, nasetichingini letikhashane letingazange setive ngeludvumo lwami nome tibone bukhosi bami. Bayawumemetela bukhosi bami kubetive.

Zefaniya 3:10

“Kusukela ngesheya kwemifula yaseKushe tikhonti tami, bantfu bami labasakatekile, bayawungiletsela iminikelo.