Tihlabelelo 68:27 - Siswati 1996 Bible

²⁷ Nango Bhenjamini litfunjana, abahola, tikhulu takaJuda tiyincumbi, nati netikhulu takaZebuloni netakaNaftali.

Tihlabelelo 68:27 Referencias Cruzadas

Genesisi 42:32

Singemadvodzana andvodza yinye lali-12. Lenye ayisekho, lencane kakhulu isekhaya kubabe, eveni laseKhenani.’

2 Samuweli 3:19

Abneri waphindze wakhuluma yena cobo lwakhe kubakaBhenjamini. Wabe sewuya eHebroni kuyawutjela Davide konkhe Israyeli nendlu yakaBhenjamini lababekufuna.

1 Tikhronike 12:16

Lamanye emadvodza akaBhenjamini newakaJuda eta kuDavide enqabeni yakhe.

1 Tikhronike 12:29

emadvodza akaBhenjamini, endlu yakaSawula, abeti-3 000, linyenti lawo lelake labambelela kuSawula kwate kwaba nguleso sikhatsi;

1 Tikhronike 15:3

Davide wahlanganisa onkhe ema-Israyeli eJerusalema kutsi aletse lelibhokisi lesivumelwane saSimakadze kulendzawo labesayilungiselele lona.

1 Tikhronike 27:12

Abiyezeri, wase-Anathothi, wesive sakaBhenjamini, abeyindvuna yelibutfo lemfica ngenyanga yemfica. Babengemadvodza lati-24 000 kulelibutfo lakakhe.

Tihlabelelo 26:12

Lunyawo lwami lume endzaweni lephephile. Simakadze ngiyawumdvumisa emibikwemabandla lamakhulu.

Tihlabelelo 47:9

Tikhulu tetive tibutsene ndzawonye njengesive saNkulunkulu wa-Abrahama, ngobe tihlangu temhlaba taNkulunkulu. Waphakanyiswa, ubabateka kakhulu!

Tihlabelelo 60:7

Live laGileyadi lami, nelive laManase lami, Efrayimu usivikelo senhloko yami, Juda uyindvuku yami yebukhosi.

Isaya 11:13

Umona wa-Efrayimu uyawunyamalala, titsa takaJuda ticedvwe nya; Efrayimu angeke aphindze abe nemona ngaJuda, naJuda angeke aphindze abe nebutsa ku-Efrayimu.

Isaya 48:1

“Lalelani lapha, ninendlu yakaJakobe, nine lenibitwa ngelibito la-Israyeli, futsi niyintalelwane yakaJuda, nine lenenta tifungo egameni laSimakadze, nikhonte Nkulunkulu wema-Israyeli, kodvwa kungabi ngeliciniso nangekulunga,

Numeri 34:21

Elidadi, umsa waKhisloni, wesive sakaBhenjamini;

Tikhulu 20:35

Simakadze wabehlula bakaBhenjamini embikwa-Israyeli, ngalelo langa baka-Israyeli babhubhisa ti-25 100 temabutfo akaBhenjamini labehlome onkhe aphelele.

Tikhulu 5:18

Sive sakaZebuloni satilahla ematsambo, sinikela imphilo yaso. Naye Naftali wenta njalo ematsafeni.

1 Samuweli 9:21

Sawula wamphendvula watsi: “Kantsi mine angisiye umBhenjamini yini, lophuma esiveni lesincane kakhulu ka-Israyeli, lona lusendvo lwakitsi aluluncane kakhulu yini kunato tonkhe tinsendvo tesive sakaBhenjamini? Pho, ukhulumelani kimi kanjalo?”