Tihlabelelo 68:22 - Siswati 1996 Bible

²² Simakadze wakhuluma watsi: “Titsa takho ngiyawutibuyisa naseBhashani, ngibuyise naletisekujuleni kwelwandle,

Tihlabelelo 68:22 Referencias Cruzadas

Tihlabelelo 110:6

Uyakwehlulela tive, kuyawulala lucaca lwetidvumbu, aphihlite onkhe emakhosi emhlaba.

Eksodusi 14:22

Sive sema-Israyeli sewela Lwandle Lolubovu sihamba emhlabatsini lowomile, emanti aba tindvonga ngesekudla nangesancele sabo.

Eksodusi 14:29

Kodvwa ema-Israyeli wona abewele emhlabatsini lowomile elwandle, futsi nemanti ajinge achubeka kuma tindvonga ngesekudla nangesancele.

Isaya 49:22

Naku lokushiwo yiNkhosi Simakadze, itsi: “Buka la; ngiyawuchweba betive, ngiyawuphakamisa siboniso sami kubantfu. Bayawuletsa emadvodzana akho bawagodle ngemikhono, betfwele emadvodzakati akho emahlombe.

Hezekeli 36:24

“ ‘Ngobe ngiyawunikhipha emkhatsini wetive, ngiyawunibutsa kuwo onkhe emave, nginibuyisele eveni lelingelenu.

Numeri 21:33

Ema-Israyeli ajika enyuka ngemgwaco locondza eBhashani; kwase kutsi Ogi, inkhosi yaseBhashani, waphuma kanye nemabutfo akhe onkhe, wayawuhlasela ema-Israyeli emphini yase-Edreyi.