Tihlabelelo 68:2 - Siswati 1996 Bible

² Bayaphephuka njengekupheshulwa kwentfutfu, bayancibilika njengemtfwebeba nawuseceleni kwemlilo. Bacitfwa kanjalo-ke lababi embikwaNkulunkulu.

Tihlabelelo 68:2 Referencias Cruzadas

2 Samuweli 10:13

Jowabe nelibutfo lakakhe bashuca bahlasela emaSiriya. EmaSiriya ehlulwa, abaleka.

2 Samuweli 10:18

Kodvwa emaSiriya abaleka embikwema-Israyeli, Davide wabulala bagibeli betincola temphi lababengema-700, nemasotja labeti-40 000, labeshuca ngetinyawo. Wachubeka wagadla nakuShobaki, indvuna yabo yemphi, wafa khona lapho.

Tihlabelelo 22:14

Ngicitseke njengemanti, emalunga ami onkhe ahhehlulukile, inhlitiyo yami igucuke yaba ngumtfwebeba, yancibilika ngekhatsi kwami.

Tihlabelelo 37:20

Kodvwa lababi bayawubhubha, netitsa taSimakadze tishabalale njengeluhlata lwemadlelo, bayawunyamalala baphele njengentfutfu.

Tihlabelelo 76:7

Kodvwa uyesabeka, ngubani nje longema embikwakho, nase utfukutsele uvutsa lulaka?

Tihlabelelo 80:16

Labawujubile bawushisa ngemlilo, bayawubhujiswa kubhekwa buso bakho.

Tihlabelelo 97:5

Tintsaba tincibilika njengemtfwebeba embikwaSimakadze, yebo, tiyancibilika tiphele embikweNkhosi yemhlaba wonkhe.

Isaya 33:3

Ngekubhavumula kweliphimbo lakho, tive tiyabaleka; nawuphakama wena, tive tiyasakateka.

Isaya 64:2

Shangatsi kungafanana nemlilo nawulumekela tinsaba, ushisise emanti aze abile! Yehla, utekwenta kutsi titsa takho tilati Libito lakho, wente netive titfutfumele embikwakho!

Isaya 9:18

Ngempela bubi buvutsa njengemlilo; budla bucotfule tinchachabutane nemanyeva, bulumeka emahlatsi etihlahla ngemalangabi, kutsi titewushunca tibheke etulu ngaletikhulu tikhatsa tentfutfu.

Jeremiya 46:15

Emabutfo ayawulaliselwani lunja? Bangeke beme, ngobe Simakadze uyawubadvudvula abalahle phansi.

Hoseya 13:3

Ngako-ke bayawufanana nenkhungu yasekuseni, babe njengematolo asekuseni lanyamalalako, bafanane nemakhoba laphephuka ebaleni lekubhula, babe njengentfutfu lephuma ngelifasitelo ibaleke.

Mikha 1:4

Letintsaba titawuncibilika ngaphansi kwetinyawo takhe; yebo, tincibilike njengemafutsa nakafakwa emlilweni. Tiyawugeletela etigodzini nasetihosheni; yebo, tigelete njengemanti ahhuhluleka aphuma eticongweni temagcuma.

Numeri 10:35

Kwakutsi njalo nakuphuma libhokisi lesivumelwane, Mosi atsi: “Phakama Simakadze, uhlakate titsa takho, ubacoshe labo labakutondzako.”