Tihlabelelo 68:18 - Siswati 1996 Bible

¹⁸ Wena, Simakadze, wenyukela entsabeni lendze, watfumba labanyenti labatfunjiwe, wemukele tipho kubantfu, watemukela ngisho nakubo labamelene nawe, kuze uhlale khona wena, Simakadze.

Tihlabelelo 68:18 Referencias Cruzadas

2 Tikhronike 6:18

“Kodvwa vele, Nkulunkulu angahlala yini emhlabeni kanye nebantfu? Emazulu, ngisho nemazulu laphakeme kunawo onkhe, ngeke wenele kuwo. Kangakanani-ke lelithempeli lengikwakhele lona!

Tihlabelelo 110:1

Simakadze watsi enkhosini yami: “Hlala lapha ngesekudla sami, ngize ngifake titsa takho ngaphansi kwetinyawo takho.”

Tihlabelelo 24:3

Ngubani loyakwenyuka intsaba yaSimakadze? Ngubani loyakuma endzaweni yakhe lengcwele?

Tihlabelelo 47:5

Nkulunkulu ukhuphuke ngenhlokomo, Simakadze wenyuke nakukhala licilongo.

Tihlabelelo 7:7

Inhlangano yetive ayisondzele ikuhace, bese uyayibusa usesihlalweni sakho sebukhosi.

Tihlabelelo 78:60

Wayidzikila indlu yakhe lengcwele leseShilo, lithende labehlala kulo emkhatsini webantfu,

Isaya 55:7

Lomubi akayiyekele indlela yakhe lembi, nalokhohlakele ayekele imicabango yakhe lemibi. Akaphendvuke abuyele kuSimakadze, uyawuba nemusa kuye, akabuyele kuNkulunkulu wetfu, ngobe uyawumtsetselela ngenkhululeko.

Isaya 57:15

Ngobe nguloko lokushiwo nguLophakeme Losetulu, lolibito lakhe linguLongcwele, utsi: “Ngihlala etulu endzaweni lengcwele, kodvwa nakuye lodzabukile nalotfobekile emoyeni, kutewuvuselela umoya walabatfobekile nekuvuselela tinhlitiyo talabephukile emoyeni.

Hezekeli 48:35

“Sebubonkhe budze balelidolobha kutungeleta lonkhe buyawuba ngemakhilomitha langaba yimfica. “Libito lalelidolobha kusukela ngaleso sikhatsi sekuyawutsiwa: ngusimakadze ulapha.”

Joweli 2:11

Simakadze uyabhavumula embikwalemphi yakhe. Emabutfo akhe manyenti ngalokungabaleki; banemandla labo labalalela umyalo wakhe. Lilanga laSimakadze likhulu, liyesabeka. Ngubani nje longemelana nalo?

Matewu 9:13

Kepha hambani nifundze kutsi kusho kutsini kutsi: ‘Ngifuna sihawu, hhayi umhlatjelo;’ ngobe angiketeli kubita labalungile kepha toni.”

Makho 16:9

Jesu asavukile ekufeni ekuseni ngeliSontfo, lilanga lekucala evikini, watibonakalisa kucala kuMariya waseMagdala, lona labekhiphe kuye emadimoni lasikhombisa.

Lukha 24:47

nekutsi egameni lakhe kumelwe kushunyayelwe etiveni tonkhe kuphendvuka kube kutsetselelwa kwetono, kucalwe eJerusalema.

Lukha 24:49

Mine-ke ngiyawunitfumelela sipho lesetsenjiswa nguBabe; kodvwa hlalani eJerusalema, nize nemukeliswe emandla lavela ngetulu.”

Lukha 24:51

Asababusisa, watsatfwa kubo [wenyuselwa ezulwini.]

Johane 14:23

Jesu wamphendvula watsi: “Umuntfu nakangitsandza, uyawugcina emavi ami. Babe uyawumtsandza. Tsine-ke naBabe siyawuta kuye, sihlale naye.

Johane 16:7

Kodvwa noko nginitjela liciniso: Kuncono kini kutsi ngihambe, ngobe nangingahambi, angeke ete kini uMeluleki. Kodvwa nangihamba, ngitamtfumela kini.

Imisebenti yebaPhostoli 2:23

Nkulunkulu ngekwatinchanti kwakhe nangentsandvo yakhe abesakumisile kutsi Jesu uyawuniketwa kini; nine-ke nambulala ngekumbetsela esiphambanweni ngetandla tetoni.

Imisebenti yebaPhostoli 2:4

Bonkhe bagcwaliswa ngaMoya Longcwele; base bakhuluma ngaletinye tilimi, njengobe Moya wabapha kuphumisela.

Imisebenti yebaPhostoli 9:17

Ngako-ke Ananiyase wahamba, wangena endlini wabeka tandla etikwaSawula. Watsi: “Mzalwane, Sawula, iNkhosi Jesu lebonakele kuwe endleleni ingitfumile kutsi ubone futsi, ugcwaliswe ngaMoya Longcwele.”

KubaseRoma 5:8

Kodvwa-ke Nkulunkulu sewulukhombisile lutsandvo lwakhe kitsi ngekutsi sisetoni Khristu wafa esikhundleni setfu.

2 kubaseKorinthe 6:16

Nhlanganyelo yini lesemkhatsini welithempeli laNkulunkulu netithico? Ngobe tsine silithempeli laNkulunkulu lophilako; njengobe Nkulunkulu watsi: “Ngiyawuhlala kubo, ngihambe emkhatsini wabo; ngiyawuba nguNkulunkulu wabo, bona bayawuba sive sami.”

Dutheronomi 33:2

Wakhuluma watsi: “Simakadze wachamuka eSinayi, kwasa kitsi nakavela eSeyiri, wakhanya aseNtsabeni iPharani. Wefika achamuka etinkhulungwaneni talabangcwele, weta kuvutsa umlilo ngasesandleni sakhe sangesekudla.

KubaseKholose 2:3

Kuye kutfukuswe emagugu onkhe ekuhlakanipha newekwati.

KubaseKholose 2:9

Emtimbeni waKhristu kuhlala kuphelela konkhe kwebuNkulunkulu.

KumaHebheru 1:3

LeNdvodzana ibonakalisa bukhosi nebunjalo bonkhe baNkulunkulu. Isimise indalo yonkhe ngelivi layo lelinemandla. Yatsi kube yente intsetselelo yetono tebantfu, yahlala ezulwini ngesekudla saNkulunkulu Somandla.

KumaHebheru 4:14

Njengobe sinemPhristi Lomkhulu kakhulu, Jesu iNdvodzana yaNkulunkulu, lodzabule emazulu, asibambelele kuso sivumo sekukholwa kwetfu.

KumaHebheru 6:20

lapho Jesu angena khona njengemvuli wendlela lomele tsine, waba ngumPhristi Lomkhulu loyawuhlala akhona phakadze naphakadze, ngekuma kwaMelkhisedeki.

KumaHebheru 8:1

Umnyombo waloku lesesikushito ngunankhu: Tsine-ke sinalonjalo umPhristi Lomkhulu, losewahlala ngesekudla saLomkhulu losesihlalweni sebukhosi ezulwini.

1 yaPhetro 3:22

Yena sewahamba waya ezulwini, lapho asahleti khona ngesekudla saNkulunkulu; emagunya, nemandla, netingilosi sekwabekwa ngaphansi kwakhe loJesu.

Sembulo 1:20

Imfihlakalo yaletinkhanyeti letisikhombisa lotibone esandleni sami sangesekudla, naletibane letisikhombisa ngule: Letinkhanyeti letisikhombisa tingilosi temabandla lasikhombisa; naletibane letisikhombisa ngemabandla lasikhombisa.”

Sembulo 21:3

Ngeva livi liphuma esihlalweni sebukhosi limemeta kakhulu litsi: “Nalo likhaya laNkulunkulu likubantfu. Nkulunkulu utawuhlala emkhatsini wabo, bona babe bantfu bakhe. Nkulunkulu cobo lwakhe uyawuhlala nabo, abe nguNkulunkulu wabo.

Tikhulu 5:12

“Vuka, vuka, Debhora! Vuka, vuka uhlabele ingoma! Sukuma, Bharaki! Tfumba batfunjwa bakho, wena msa wa-Abinowami.