Tihlabelelo 66:8 - Siswati 1996 Bible

⁸ Mbongeni Nkulunkulu wetfu, nine tive, vakalisani ludvumo lwakhe.

Tihlabelelo 66:8 Referencias Cruzadas

Tihlabelelo 47:1

Nonkhe nine tive, shayani tandla. Hlokomani, nidvumise Nkulunkulu!

Tihlabelelo 66:2

Hlabelelani nituse libito lakhe, nidvumise bukhosi bakhe.

Tihlabelelo 98:4

Hlokomani nidvumise Nkulunkulu, nine bantfu bemhlaba. Mdvumiseni ngengoma yekujabula, nihlabele ngekumdvumisa.

Jeremiya 33:11

imisindvo yenjabulo neyentfokoto, nemaphimbo abomakoti nemyeni, kanye nemaphimbo alabo labaletsa iminikelo yekubonga endlini yaSimakadze, batsi: “ ‘ “Bongani Simakadze longuSomandla, ngobe Simakadze ulungile; umusa wakhe ume kuze kube phakadze.” Ngobe ngiyakutibuyisela tibusiso talelive tibe njengobe tatinjalo kucala,’ kusho Simakadze.

Dutheronomi 32:43

Jabulani nine tive kanye nesive sakhe, ngobe uyawutiphindzisela ngengati yetinceku takhe. Uyawutiphindzisela etitseni takhe, ente inhlawulo yekubuyisana nelive lakhe nesive sakhe.

Sembulo 19:1

Emvakwaloko ngeva shangatsi livi lelikhulu lesicumbi lesikhulu sihlabela ezulwini sitsi: “Haleluya! Insindziso, nenkhatimulo, nemandla kwaNkulunkulu wetfu;