Tihlabelelo 65:13 - Siswati 1996 Bible

¹³ emadlelo embeswe yimihlambi, tifundza tibe bovu tju emabele, timemete kanyekanye ngekuhlabelela ngenjabulo.

Tihlabelelo 65:13 Referencias Cruzadas

Jobe 36:31

Nguleyo ndlela-ke labusa ngayo tive, atinike inala yekudla.

Tihlabelelo 144:13

Shangatsi tinyango tetfu tingagcwaliswa ngesivuno sekudla lokunhlobonhlobo. Kanjalo netifuyo tetfu shangatsi tingandza, titalane ngetinkhulungwane nangemashumi etinkhulungwane.

Tihlabelelo 72:16

Shangatsi kungaba nenala emasimini, lenala isibekele ticongo tetintsaba, kube tiphihli, sincane setihlahla taseLebanoni. Shangatsi lamadolobha angagcwala bantfu, babe ngangetjani.

Isaya 30:23

Utawubuye anitfumelele imvula ngenca yenhlanyelo yenu leseniyihlanyele phansi emhlabatsini, kudla lokuphuma emhlabatsini kutawunona, futsi kube kunyenti. Ngalelo langa tinkhomo tenu tiyawukudla emadlelweni labanti nalaluhlata.

Isaya 35:10

labahlengiwe baSimakadze bayawubuya. Bayawungena eSiyoni ngekuhlabela, nangekujabula kwaphakadze lokuyawuba ngumchele etinhloko tabo. Bayawuhamba ngekutfokota nangekujabula, lusizi nekububula kuyawubaleka.

Isaya 44:23

Hlabelani ngekujabula, nine mazulu, ngobe loku kwentiwe nguSimakadze; memetani kakhulu, nine tindzawo temhlaba letijulile. Hlokomani ngengoma, nine tintsaba, nine mahlatsi, nato tonkhe tihlahla tenu. ngobe Simakadze sewuhlenge Jakobe, ubonakalisa bukhosi bakhe ka-Israyeli.

Isaya 49:13

Memetani ngenjabulo, mazulu! Tsakasa, nawe mhlaba! Klabalazani nihlabele, nani tintsaba! Ngobe Simakadze uyabadvudvuta bantfu bakhe, futsi uyawuba nesihawu kulabo labadzabukisiwe bakhe.

Isaya 52:9

Hlokomani ngetingoma tekujabula kanyekanye, nine tindzala taseJerusalema, ngobe Simakadze ubadvudvutile bantfu bakhe, iJerusalema uyikhululile.

Isaya 55:12

Nine niyawuphuma ngenjabulo nichubekele embili ngekuthula, tintsaba nemagcuma kuyawuhlokoma kuhlabele ingoma imbikwenu, kutsi tonkhe tihlahla tesiganga tishaye tandla tato.

Jeremiya 48:33

Kutsakasa nenjabulo sekusukile emahlatsini etitselo nasemasimini akaMowabi. Ngikumisile kugeleta kweliwayini ematjeni ekuhlutela, kute nalosawagcobagcoba ngekumemeta kwenjabulo. Nome-ke kukhona lokumemeta, kodvwa akusiko kwenjabulo.

Joweli 2:22

Ningesabi, nani tilwane tesiganga, ngobe emadlelo asaneluhlata, tihlahla titsela titselo tato, umkhiwa nemvini nako kutsela titselo tako.

Zakhariya 9:17

Maye, live lakhe liyawuba lihle bo! Futsi liyawubukeka lilihle kakhulu. Lokutinhlavu kuyawukwenta tinsizwa tiphumelele, neliwayini lelisha lente emantfombatane ondleke.

Imisebenti yebaPhostoli 14:17

Kodvwa akayekelanga kutifakazela ngekwenta imisebenti lemihle: Unehlisela imvula nekudla ngesikhatsi lesifanele; uninika kudla agcwalise tinhlitiyo tenu ngenjabulo.”