Tihlabelelo 63:9 - Siswati 1996 Bible

⁹ Kodvwa labafuna kubhubhisa imphilo yami bayawushona phansi ethuneni,

Tihlabelelo 63:9 Referencias Cruzadas

Jobe 40:13

Bonkhe bangcwabe ndzawonye elutfulini, sitselisa buso babo ethuneni.

Tihlabelelo 18:36

Wentele tinyatselo tami indzawo lebanti kuze emacakala ami angabhinyiliki.

Tihlabelelo 35:26

Bonkhe labatsakasela kuhlupheka kwami abahlazeke, badliwe ngemahloni, abembatsiswe emahloni nelihlazo labo labangicoloshelako.

Tihlabelelo 35:4

Shangatsi bangajabha, bahlazeke, labo labafuna umphefumulo wami; shangatsi bangahlakateka labo labacondze kungicitsa.

Tihlabelelo 38:12

Bantfu labacondze kungibulala bangetsiye ngetingibe, labacondze kungilimata bakhuluma ngekungicitsa bangibulale, sonkhe sikhatsi bakha emacebo ebubi ngami.

Tihlabelelo 40:14

Bonkhe bantfu labafuna kungibulala abahlazeke basangane. Bantfu labangifisela lokubi abancandzekiswe bahlazekile.

Tihlabelelo 55:15

Titsa tami atitunywe kufa, tiye endzaweni yalabafile tisaphila, ngobe bubi busemakhaya nasetinhlitiyweni tabo.

Tihlabelelo 55:23

Wena Simakadze nguwe loyawubajikijela phansi, emgodzini wekufa. Bantfu bengati nenkhohliso bangeke baphile, ngisho nencenye yemphilo yabo. Kodvwa mine ngiyakwetsembela kuwe.

Tihlabelelo 70:2

Abahlazeke bajabhe labo labafuna kuphila kwami nalabo labafuna kungibulala. Abancandzekiswe bahlazekile labo labangifisela kutsi ngife.

Tihlabelelo 86:13

Ngobe umusa wakho mkhulu kimi, uwephulile umphefumulo wami ekujuleni kwekufa.

Tihlabelelo 9:17

Lababi baya ekufeni, yebo, bonkhe labafulatsela Nkulunkulu.

Ingoma Yetingoma 8:5

Ngubani lona lochamuka ehlane eyeme kulamtsandzako? Ngakuvusa ngaphansi kwesihlahla semahhabhula; ngulapho-ke lapho unyoko akwemitsela khona, ngulapho-ke lona labephetfwe ngumhelo, akubelekela khona.

Isaya 14:15

Kodvwa sewehliselwe phansi endzaweni yalabafile, emajukujukwini emgodzi.

Isaya 14:19

Kodvwa wena ulahliwe wangete wangcwatjwa, walahlwa njengeligala lelaliwe, walala encunjini yetidvumbu tebantfu, lababulewe ngenkemba, lese bewukele phansi emgodzini wematje. Njengesidvumbu lesinyatselwa phansi ngetinyawo,

Isaya 14:9

“Indzawo yalabafile ngaphansi nayo iyanyakata itsakasele kutsi ikuhlangabete nawuta kuyo. Lendzawo ivusa umoya walasebalala kutsi itekuvusela bonkhe labo bebabaholi emhlabeni, ibente basukume etihlalweni tabo tebukhosi bonkhe nalababengemakhosi etive.

Imisebenti yebaPhostoli 1:25

kutsi atsatse sikhundla sekuba ngumphostoli ente lomsebenti loshiywe nguJudasi waya lapho abewakhona.”

1 Samuweli 25:29

Nome ngabe kukhona lokucosha ngemuva afuna kukubulala, kuphila kwenkhosi yami Simakadze Nkulunkulu wakho utakuvikela ngekutsi akubophe inyandza kanye nalabaphilako. Kodvwa kuphila kwetitsa takho utakujikijela akulahle khashane njengelitje liphuma esidubulelweni.

1 Samuweli 28:19

Simakadze utaninikela etandleni temaFilisti, wena kanye naso sonkhe sive sema-Israyeli. Kusasa wena kanye nemadvodzana akho nitawube senikanye nami lapha. Simakadze utawunikela ngisho nemphi yema-Israyeli etandleni temaFilisti.”