Tihlabelelo 57:6 - Siswati 1996 Bible

⁶ Tinyatselo tami batibekele lugibe, umphefumulo wami ushone phansi. Bembe umgodzi wekungihholokoshisela endleleni yami, kodvwa sekuhholokoshele bona. Cabanga.

Tihlabelelo 57:6 Referencias Cruzadas

1 Tikhronike 29:10

Davide wadvumisa Simakadze embikwalo lonkhe libandla watsi: “Ludvumo alube kuwe, Simakadze, Nkulunkulu wababe wetfu Israyeli, kusukela phakadze kuze kube phakadze.

1 Tikhronike 29:11

Yebo, Simakadze bukhulu nemandla kwakho. Inkhatimulo nebukhosi kwakho, nebumengemenge bakho; ngobe konkhe lokusezulwini nalokusemhlabeni kwakho. Yebo, Simakadze, umbuso nawo wakho. Wena uphakeme wengamela konkhe.

Tihlabelelo 108:6

Kuze kukhululwe labo labaligugu lakho, ngisindzise ngesandla sakho sekudla, ngive ungiphendvule.

Tihlabelelo 140:5

Bantfu labatigabatisako bangibekele lugibe, bangicuphe ngetintsambo telugibe, bangibophele emafindvo endleleni yami. Cabanga.

Tihlabelelo 142:3

Umoya wami nase uphelelwa ngemandla, wena ucaphela tinyatselo tami. Endleleni lapho ngitawuhamba khona bangifihlele lugibe.

Tihlabelelo 143:4

Ngako-ke umoya wami udzangele, nenhlitiyo yami iyatfutfumela.

Tihlabelelo 145:14

Simakadze uyabaphasa bonkhe labawako, abaphakamise bonkhe labatfotjisiwe.

Tihlabelelo 42:6

Umphefumulo wami udzabukile ngekhatsi kwami, ngako-ke ngiyawukukhumbula ngiseseJordane, nasetintsabeni taseHemoni netaseMisari.

Tihlabelelo 8:2

Indvumiso yemandla akho uyibeke emilonyeni yetinswane neyebantfwana. Loko ukwentele kutibindzisa titsa takho nalabamelene nawe.

Taga 28:10

Lowo loholela lolungile endleleni lembi kuyawubanjwa yena kulolo lugibe. Lolungile uyawuvuzwa kakhulu.

Taga 29:5

Umuntfu lolutsa makhelwane wakhe ambonge ngelite, utetsiya yena.

Mikha 7:2

Kute nome munye umuntfu lowetsembekile losasele eveni, kute losetsembekile kuNkulunkulu. Wonkhe umuntfu ufunana nematfuba ekubulala. Wonkhe umuntfu utingelana newakubo.

Numeri 14:21

Kodvwa ngiyetsembisa ngitsi ngifunga kuphila kwami nenkhatimulo yami legcwele umhlaba wonkhe,