Tihlabelelo 55:20 - Siswati 1996 Bible

²⁰ Lowo mngani-ndzini sewucabana nebangani bakhe, wephula sivumelwane sakhe.

Tihlabelelo 55:20 Referencias Cruzadas

2 Samuweli 18:12

Kodvwa lendvodza yamphendvula yatsi: “Ngisho nome bewunganginika inkhulungwane yetinhlavu tesiliva, bengingete sengicale ngiphakamise sandla sami etikwendvodzana yenkhosi. Sonkhe besiva ngesikhatsi inkhosi ininika umyalo nine nabo-Abishayi na-Ithayi, itsi: ‘Nibomane ningisite tsine, ningacali nimbeke sandla lomfana Absalomu, ngenca yami.’

2 Samuweli 2:4

Emadvodza akaJuda eta eHebroni, afike amgcobela lapho Davide kutsi abe yinkhosi etikwendlu yakaJuda. Watsi kube Davide eve kutsi emadvodza aseJabeshi Gileyadi ngiwo labengcwabe Sawula,

2 Samuweli 5:3

Batsi kube befike bonkhe baholi bema-Israyeli enkhosini Davide eHebroni, inkhosi yenta nabo sivumelwane eHebroni embikwaSimakadze; base bagcoba Davide kutsi abe yinkhosi yema-Israyeli.

2 Emakhosi 17:34

Kuze-ke kube ngulamuhla loku basaphikelele nekwenta imikhuba yabo yakadzeni. Abamkhonti Simakadze, futsi abayilandzeli imiyalo netimiso, nemitsetfo, neteluleko Simakadze lakunika titukulwane taJakobe, lametsa libito watsi ngu-Israyeli.

Tihlabelelo 109:5

Mine ngabentela lokuhle, bona bangibonga ngalokubi, lutsandvo lwami balwenana ngenzondo.

Tihlabelelo 6:10

Tonkhe titsa tami tiyawuhlazeka titfutfumele kakhulu, tidliwe ngemahloni, tibaleke masinyane.

Tihlabelelo 7:4

nangiphindzisele ngalokubi kumnganami, nome ngaphanga sitsa sami ngaphandle kwesono,

Tihlabelelo 89:28

Ngiyawumgcinela umusa wami kuze kube phakadze. Sivumelwane sami naye siyawuhlala simile.

Tihlabelelo 89:34

Sivumelwane sami ngingeke ngisephule; nemavi lese ngiwakhulumile ngingeke ngiwagucule.

Tihlabelelo 89:38

Kodvwa manje sewumlahlile wamala, wamtfukutselela logcotjiwe wakho.

Tihlabelelo 93:2

Sihlalo sakho sebukhosi seloku sema sicinile kwasemandvulweni, wena wawuvele ukhona kwasemaphakadzeni.

Umshumayeli 8:2

Ngitsi hlonipha umyalo wenkhosi ngenca yesifungo lowasenta kuNkulunkulu.

Jeremiya 5:3

Awu Simakadze, emehlo akho akafuni lona yini liciniso? Wabashaya, kodvwa abazange babuve buhlungu, wabapitjita, kodvwa bakwala kucondziswa. Benta buso babo baba lukhuni kunelitje, bala kuphendvuka.

Imisebenti yebaPhostoli 12:1

Ngalesikhatsi Herodi, inkhosi, wacala kutingela nekuhlupha emalunga elibandla.

1 Samuweli 22:17

Inkhosi yase itjela letindvuna letatiyikakile, yatsi: “Babulaleni labaphristi baSimakadze, ngobe nabo bahlangene naDavide. Bebati kutsi uyabaleka, kodvwa bangete bangitjela.” Kodvwa tindvuna tenkhosi tesaba kubeka sandla sato etikwebaphristi baSimakadze.

1 Samuweli 24:10

Lamuhla utibonele ngewakho emehlo kutsi Simakadze abekunikele kanjani esandleni sami lapha emhumeni. Labanye bebatsi angikubulale, kodvwa mine ngakuhawukela, ngatsi: ‘Ngingeke ngiyiphakamisele sandla inkhosi yami, ngobe ingulogcotjiwe waSimakadze.’