Tihlabelelo 55:19 - Siswati 1996 Bible

¹⁹ Nkulunkulu utangiva, angiphindzisele kubo, yena lokhona phakadze. Cabanga. Labantfu abaphendvuki, abamesabi ngisho naNkulunkulu.

Tihlabelelo 55:19 Referencias Cruzadas

Tihlabelelo 143:12

Bhubhisa tonkhe titsa tami ngekwemusa wakho, ubacedze bonkhe labemelene nami, ngobe mine ngiyinceku yakho.

Tihlabelelo 65:5

Usiphendvule ngemisebenti lemangalisako, wena Sokulunga; wena unguNkulunkulu wensindziso yetfu. Bonkhe bantfu emhlabeni wonkhe, nangesheya kwetilwandle, betsembele kuwe.

Tihlabelelo 78:59

Watsi nakuva loko Nkulunkulu, watfukutsela, wabalahla baka-Israyeli.

Taga 1:32

Labate lwati babulawa kweduka kwabo; tilima tibulawa kweneliseka kwato.

Umshumayeli 8:11

Ngenca yekutsi sigwebo sentfo lembi siyephuta kukhishwa, tinhlitiyo tebantfu setihlosa kwenta bubi ngesibindzi.

Isaya 36:20

Ngumuphi kubo bonkhe labonkulunkulu balamave lowake wakhona kusindzisa live lakhe esandleni sami? Simakadze-ke yena angayisindzisa kanjani iJerusalema esandleni sami?”

Jeremiya 48:11

“Mowabi abesaphumulile kusukela kwasebusheni bakhe, njengeliwayini lelisele emashiceni, lingakatfululwa kuloludziwo lafakwa kulolwa; akakayi ekudzingisweni. Ngako usanambitseka njengobe abenjalo, neliphunga lakhe alikagucuki.”

Mikha 5:2

Simakadze utsi: “Betlehema Efratha, nome ungulomunye wemiti lemincane yakaJuda, kodvwa ngiyawuveta kuwe umbusi loyawubusa sive saka-Israyeli. Lusendvo lwakhe luyawusukela kulolo lwaluvele lukhona kwasekucaleni.”

Zefaniya 1:12

“Ngaleso sikhatsi ngiyakuyiphenya ngetibane iJerusalema, ngijezise labo labatesutsisako, labafanana neliwayini lelisele emashiceni alo, bacabange batsi: ‘Simakadze angeke ente lutfo, loluhle nome lolubi.’

Dutheronomi 33:27

Nkulunkulu waphakadze siphephelo sakho, ngaphansi ngimikhono yaphakadze. Uyawucosha titsa takho embikwakho, akhulume atsi: ‘Tibhubhise!’

KubaseKholose 1:17

Yona ikhonanchanti kwako konkhe, tonkhe tintfo time ngayo.