Tihlabelelo 55:17 - Siswati 1996 Bible

¹⁷ Kusihlwa, nasekuseni, nasemini ngiyatikhalela ngibubule kuye, bese uyaliva livi lami.

Tihlabelelo 55:17 Referencias Cruzadas

Jobe 19:7

“Naloku ngikhala: ‘Ngimi lengoniwe!’ Kodvwa angiphendvulwa; naloku ngicela lusito, kute kwetsembeka.

Tihlabelelo 119:62

Ekhatsi nebusuku ngiyavuka ngikubonge, ngobe imitsetfo yakho ilungile.

Tihlabelelo 141:2

Shangatsi umthandazo wami ungaba njengemphepho kuwe; nekuphakamisa kwami tandla akube kuwe njengemihlatjelo yakusihlwa.

Tihlabelelo 72:12

Iyamkhulula loyibitako, naloweswele, nalomphofu, nalote umsiti.

Tihlabelelo 77:2

Nangiselusizini ngifuna Simakadze, nasebusuku ngiphakamisa tandla tami, ngikhuleke ngingadzinwa, umphefumulo wami wale kudvudvuteka.

Tihlabelelo 88:13

Kodvwa mine, Simakadze, ngikhala kuwe, ngicela lusito, kutsi kusa ube uhlangabetana nemkhuleko wami.

Tihlabelelo 92:2

nekuvakalisa umusa wakho ekuseni, nekwetsembeka kwakho ebusuku,

Sililo 3:8

Ngisho nome sengimemeta, ngikhalela kusitwa, uyivalela ngaphandle imikhuleko yami.

Danyela 6:10

Watsi kube Danyela eve kutsi sekubhalwe lomtsetfosimemetelo, wahamba waya ekhaya lakhe ekamelweni lelisetulu, lapho emafasitelo akhona abevulekela ngaseJerusalema. Abeguca ngemadvolo katsatfu ngelilanga, athandaze, abonga Nkulunkulu wakhe, njengobe abevame kwenta ngaphambili.

Danyela 6:13

Base bakhuluma enkhosini, batsi: “Danyela, longulomunye webatfunjwa bakaJuda, akakunaki wena, nkhosi, nalesimemetelo sakho lowasibhala phansi akasishayi mkhuba. Usathandaza katsatfu ngelilanga.”

Makho 1:35

Ekuseni kusemnyama kakhulu Jesu wavuka wahamba, waphumela ngephandle kwelidolobha waya ehlane, lapho afike wathandaza khona.

Makho 6:46

Watsi nasabahambisile, wenyukela entsabeni wayawukhuleka.

Makho 6:48

Wababona kutsi basigwedla kamatima sikebhe, ngobe umoya bewuphambene nabo. Kwatsi ekuseni kungakasi, emkhatsini weli-awa lesitsatfu nelesitfupha, Jesu weta kubo ahamba etikwemanti. Wacondza embili, washaya kungatsi uyendlula.

Imisebenti yebaPhostoli 10:3

Kwakungeli-awa lesitsatfu entsambama, lapho abona ngalokusebaleni embonweni ingilosi yaNkulunkulu ingena kuye itsi: “Khoneliyuse!”

Imisebenti yebaPhostoli 10:30

Khoneliyuse waphendvula watsi: “Kwakucishe kube ngito letikhatsi kutsanti kwayitolo ngesikhatsi ngithandaza endlini yami ngeli-awa lesitsatfu ntsambama ngabona indvodza yembetse tingubo letikhatimulako ime embikwami

Imisebenti yebaPhostoli 10:9

Ngakusasa, nase basondzele eJopha, Phetro waya egumeni lelalisetulu eluphahleni lwendlu emini ayewuthandaza.

Imisebenti yebaPhostoli 3:1

Ngalelinye lilanga boPhetro naJohane baya ethempelini ntsambama ngeli-awa lesitsatfu, ngesikhatsi semkhuleko.

Kubase-Efesu 6:18

Khulekani ngaso sonkhe sikhatsi nikuMoya ngekukhuleka konkhe nekuncenga. Nilindzele ngesineke sonkhe, nangekuncusela labangcwele bonkhe.

1 kubaseThesalonika 5:17

Thandazani ningayekeli.

KumaHebheru 5:7

Asesemhlabeni, Jesu wanikela ngekuthandaza, nangekuncusa, nangekukhala lokukhulu, nangetinyembeti, akhala kulowo lonemandla ekumsindzisa ekufeni, wevakala ngenca yekumesaba Nkulunkulu.