Tihlabelelo 53:3 - Siswati 1996 Bible

³ Bonkhe bedukile, bonkhe bonakele, kute lowenta lokulungile; kute, kute ngisho nome munye.

Tihlabelelo 53:3 Referencias Cruzadas

2 Samuweli 20:2

Ngako onkhe emadvodza aka-Israyeli amhlubuka Davide alandzela Sheba, umsa waBikri. Kodvwa emadvodza akaJuda wona onkhe asala anamatsele enkhosini yawo Davide, ahamba nayo kusukela eJordane kuze kuyewufika eJerusalema.

Jobe 15:16

mncane kangakanani-ke, umuntfu lomubi nalowonakele, nalonatsa bubi njengemanti?

Tihlabelelo 14:3

Bonkhe bedukile, bonkhe bonakele, kute lowenta lokulungile; kute, kute ngisho nome munye.

Isaya 53:6

Tsine sonkhe sedukile njengetimvu, ngulowo nalowo utihambele ngendlela yakhe, Simakadze wayetfwesa kona kwetfu sonkhe.

Isaya 64:6

Sonkhe sesifanana nebantfu labangcolile, nato tonkhe tento tetfu letinhle setifanana netidvwedvwe letingcolile. Sonkhe siyabuna njengelicembe, njengemoya tono tetfu tiyasiphephula.

Hezekeli 36:25

Ngiyawunifafata ngemanti lahlobile, bese niyahlanteka; ngiyawunihlanta kuko konkhe kungcola kwenu nakuto tonkhe tithico tenu.

Zefaniya 1:6

nalabo lase bancandzekile bakuyekela kulandzela Simakadze bangete bamfuna Simakadze bangabuti nekubuta kuye.

KubaseRoma 3:12

Bonkhe bamfulatsele, bagucuke baba ngimibungu, babantfu labangenamsebenti walutfo balahleke bonkhe; kute lowenta lokulungile, ngisho namunye,

2 kubaseKorinthe 7:1

Bazalwane, njengobe letetsembiso titetfu, asitihlante kuko konkhe lokungcolisa umtimba nemoya, siphile imphilo yebungcwele lobuphelele ngekwesaba Nkulunkulu.

1 yaJohane 2:29

Nanati kutsi ulungile, ningahlala nineliciniso lekutsi wonkhe lowenta kulunga, utelwe nguye.

3 yaJohane 1:11

Wena lotsandzekako, ungasilandzeli sibonelo lesibi, kepha ubolandzela sibonelo lesihle. Umuntfu lowenta lokulungile waNkulunkulu; kepha umuntfu lowenta lokubi akazange asambone Nkulunkulu.

Sembulo 22:11

Lomubi akachubeke nebubi bakhe, lowonako achubeke one, lolungile achubeke nekulunga kwakhe, longcwele achubeke nebungcwele.”