Tihlabelelo 53:2 - Siswati 1996 Bible

² Nkulunkulu utsi asezulwini abe abuka bonkhe bantfu, kuze atewubona kutsi ukhona yini umuntfu lohlakaniphile, nome munye nje, lofuna Nkulunkulu.

Tihlabelelo 53:2 Referencias Cruzadas

1 Tikhronike 28:9

“Wena-ke, Solomoni, ndvodzana yami, yenta Nkulunkulu weyihlo abe ligugu kuwe, umkhonte ngayo yonkhe inhlitiyo yakho nangengcondvo levumako, ngobe Simakadze uhlolisisa tonkhe tinhlitiyo acondzisise tonkhe tinjongo temicabango. Nawumfuna, utamtfola; kodvwa nawumlahla, naye utakuyekela phakadze naphakadze.

2 Tikhronike 15:2

Wahamba waya kuyawuhlangana nenkhosi Asa, wafike kuye watsi: “Lalela lapha kimi, nkhosi Asa, nani nonkhe nine bakaJuda nebakaBhenjamini. Simakadze unani, uma ninaye. Nanimfuna, nitamtfola, kodvwa nanimlahla, naye uyakunilahla.

2 Tikhronike 19:3

Kodvwa nome kunjalo, kukhona lokuhle kuwe, ngobe utisusile tinsika ta-Ashera kulelive, watimisela enhlitiyweni yakho kufuna Nkulunkulu.”

Jobe 28:28

Wase ukhuluma kumuntfu, watsi: ‘Buka la, kwesaba Nkulunkulu libito lako kuhlakanipha. Kubalekela lokubi loko kukucondza.’ ”

Tihlabelelo 10:4

Lomubi uyatigabatisa, akanaki lutfo, emicabangweni yakhe yonkhe, utsi: “Kute Nkulunkulu.”

Tihlabelelo 102:19

Ngobe Simakadze wabuka phansi, asendzaweni yakhe lephakeme lengcwele, wabuka emhlabeni asezulwini,

Tihlabelelo 11:4

Simakadze usethempelini lakhe lelingcwele, sihlalo sebukhosi saSimakadze sisezulwini, emehlo akhe ayacaphela, emehlo akhe avivinya bantfu emhlabeni.

Tihlabelelo 111:10

Kwesaba Nkulunkulu sicalo sekuhlakanipha. Bonkhe labahamba ngemitsetfo yakhe banengcondvo lenhle. Umelwe kudvunyiswa phakadze naphakadze.

Tihlabelelo 27:8

Wena utsite: “Funani buso bami.” Mine-ke enhlitiyweni yami ngitsi: “Buso bakho, Simakadze, ngiyabufuna.”

Isaya 55:6

Funani Simakadze asenekutfolakala; mbiteni asesedvute.

Jeremiya 16:17

“Emehlo ami asetikwato tonkhe tindlela tabo, atikafihlakali kimi, nesono sabo asikasitsakali emehlweni ami.

Jeremiya 23:24

Ukhona yini longabhaca etindzaweni letisitsele, entele kutsi ngingamboni?” kusho Simakadze. “Angikaligcwalisi yini lizulu nemhlaba?” kusho Simakadze.

Dutheronomi 4:6

Ngako yigcineni niyicaphelisise, ngobe loko kuyawuba kuhlakanipha nekucondza kwenu emehlweni aleto tive letiyakuva ngayo yonkhe lemiyalo, bese titsi: ‘Impela lesive lesikhulu sisive lesihlakaniphile nalesinekucondza.’