Tihlabelelo 53:1 - Siswati 1996 Bible

¹ Silima sikhuluma enhlitiyweni yaso sitsi: “Kute Nkulunkulu la.” Babi, benta emanyala, kute nome munye lowenta lokulungile.

Tihlabelelo 53:1 Referencias Cruzadas

1 Emakhosi 12:26

Jerobowamu wacabanga enhlitiyweni yakhe watsi: “Nyalo umbuso sewungahle ubuyele endlini yakaDavide.

1 Emakhosi 14:24

Kwaze kwaba khona ngisho netitabane kuleto tindzawo tekukhontela tithico. Sive sakaJuda senta tonkhe leto tintfo letilihlazo letatentiwa nguletive Simakadze labetidvungulule ngesikhatsi nakufika sive sema-Israyeli.

Jobe 14:4

Ngubani longakhipha lokuhlantekile kulokungakahlanteki? Kute!

Jobe 15:16

mncane kangakanani-ke, umuntfu lomubi nalowonakele, nalonatsa bubi njengemanti?

Tihlabelelo 10:11

Lomubi ucabanga enhlitiyweni yakhe utsi: “Nkulunkulu akanendzaba, akanaki, angeke abuke ngakimi kuze kube phakadze naphakadze.”

Tihlabelelo 10:13

Kwentiwa yini kutsi lomubi edzelele wena, Nkulunkulu? Ucabangelani enhlitiyweni yakhe kutsi wena ungeke umjezise?

Tihlabelelo 10:4

Lomubi uyatigabatisa, akanaki lutfo, emicabangweni yakhe yonkhe, utsi: “Kute Nkulunkulu.”

Tihlabelelo 10:6

Enhlitiyweni yakhe ucabanga utsi: “Ngingeke nginyakatiswe, ngingeke ngibe nenhlanhla lembi titukulwane ngetitukulwane.”

Tihlabelelo 88:1

Simakadze, Nkulunkulu wensindziso yami. Ngikhala kuwe imini nebusuku.

Tihlabelelo 92:6

Sihhundzahhundza singeke sikwati loko, umuntfu losilima angeke acondze

Hezekeli 16:47

Wena-ke awuzange umane ubalingise nje kuphela, nome-ke ukope kuphela nje letindlela tabo letinengekako, kodvwa kuto tonkhe tindlela takho wena washesha wase wonakala kakhulu kunabo.

Hezekeli 16:51

Samariya akazange ente ngisho nencenye nje yaletono lotentile wena. Wena wente tintfo letinyenti letinengekako kunabo, wadzimate wenta labodzadzewenu babonakala shangatsi bona sebalungile ngato tonkhe letintfo lotentile wena.

Matewu 5:22

Kepha mine ngitsi kini: Lowo lotfukutselela umnakabo, uyawulahlwa licala; nalowo lowetfuka umnakabo, uyakuba nelicala emtsetfweni; nalowo lotsi kumnakabo: ‘Silima,’ uyawufanelwa ngumlilo wesihogo.

Lukha 12:20

Kodvwa Nkulunkulu watsi kuso: ‘Silima! Kulobusuku balamuhla umphefumulo wakho uyabitwa kuwe; pho, letintfo lesewutilungisile titawuba tabani?’

KubaseRoma 1:21

ngobe batsi kantsi Nkulunkulu bayamati bangete bambonga bamnike neludvumo lolumfanele njengaNkulunkulu. Esikhundleni saloko imicabango yabo yaba lite, netinhlitiyo tabo taba mnyama.

KubaseRoma 1:28

Njengobe abafunanga kumati Nkulunkulu, ngako wababukelela, tingcondvo tabo taba butsakatsaka, netimilo tabo tonakala.

Kubase-Efesu 5:12

Kulihlazo lelikhulu ngisho nekukhuluma ngaleto tintfo labatenta emasitseleni.

Dutheronomi 12:31

Aniyikumkhonta Simakadze Nkulunkulu wenu ngendlela yato, ngobe tona natikhonta bonkulunkulu bato, tenta tonkhe tintfo letenyanyekako naletisinengiso kuSimakadze. Tona tize tishise nemadvodzana nemadvodzakati ato emlilweni njengemihlatjelo kulabonkulunkulu bato.

1 yaPhetro 4:3

Ngobe lesikhatsi lesendlulile besenele kutsi nente lokutsandvwa ngemahedeni ngekuphila ngemanyala, nangetinkhanuko, nangekudzakwa, nangekumita, nangemsindvo, nangekukhonta tithico lokungakavumeleki.